ڈی ایس پی کا کہنا ہے کہ معاملے کی ہر پہلو سے گہرائی کے ساتھ تفتیش کی جا رہی ہے
روہتک، یکم اگست (ہ س):۔
گاو¿ں بہو اکبرپور کے رہائشی بین الاقوامی کھلاڑی شیلو بلہارا کی اہلیہ مسکان کی مشتبہ حالات میں ہوئی موت کے معاملے میں نیا موڑ سامنے آیا ہے۔ پولیس نے متوفیہ کے والد کے بیان کی بنیاد پر اس کے شوہر شیلو بلہارا سمیت خاندان کے چار افراد کے خلاف مقدمہ درج کر لیا ہے۔ پولیس ترجمان نے ہفتہ کو بتایا کہ چاروں افراد کو حراست میں لے کر پوچھ گچھ شروع کر دی گئی ہے۔
جمعہ کے روز شیلو بلہارا کی اہلیہ کی مشتبہ موت کی تحقیقات کے لیے ایک خصوصی ٹیم بھی تشکیل دی گئی ہے۔
متوفیہ کے اہلِ خانہ کا الزام ہے کہ مسکان نے خودکشی نہیں کی بلکہ اسے قتل کیا گیا ہے۔ ان الزامات کے بعد پولیس نے تفتیش مزید تیز کر دی ہے۔ تاہم موت کی اصل وجہ کا تعین تحقیقات اور پوسٹ مارٹم رپورٹ موصول ہونے کے بعد ہی ہو سکے گا۔
مہم کے ڈی ایس پی تنوج شرما نے بتایا کہ متوفیہ کے والد کی شکایت پر مقدمہ درج کر لیا گیا ہے۔ پورے معاملے کی باریک بینی سے تحقیقات کی جا رہی ہیں اور تفتیش کے دوران سامنے آنے والے حقائق کی بنیاد پر آئندہ قانونی کارروائی عمل میں لائی جائے گی۔ پولیس نے پوسٹ مارٹم کے بعد لاش متوفیہ کے میکے والوں کے حوالے کر دی ہے۔ فی الحال پولیس معاملے کے تمام پہلوو¿ں کی جانچ کر رہی ہے۔
ہندوستھان سماچار
ہندوستان سماچار / عطاءاللہ
