وڈودرا، یکم اگست(ہ س)۔ گجرات کے ضلع وڈودرا میں مسلسل موسلادھار بارش، بالائی علاقوں سے آنے والے پانی اور مختلف ڈیموں سے پانی چھوڑے جانے کے باعث سیلاب جیسی صورتحال پیدا ہو گئی ہے۔ ضلع کی آٹھ میں سے چھ تحصیلیں شدید متاثر ہوئی ہیں، جبکہ 20 اہم سڑکوں کے بند ہونے کی وجہ سے متعدد دیہات کا زمینی رابطہ منقطع ہو گیا ہے اور مقامی لوگوں کو شدید مشکلات کا سامنا ہے۔

ڈیموں سے پانی چھوڑے جانے کے بعد دیو، ڈھاڈر اور جامبوا ندیاں طغیانی پر ہیں۔ اس کے باعث واگھوڈیا، ڈبھوئی، کرجن، پادرا، ساولی اور شینور تحصیلوں کے متعدد دیہات زیرِ آب آ گئے ہیں۔

وڈودرا کے قریب ڈبھوئی روڈ پر واقع کیلن پور گاؤں کے پرائمری اسکول میں بھی سیلابی پانی داخل ہو گیا ہے، جبکہ تتارپورا گرام پنچایت کا دفتر بھی زیرِ آب آ گیا، جس سے مقامی انتظامی امور متاثر ہوئے ہیں۔انتظامیہ نے احتیاطی اقدام کے طور پر متاثرہ علاقوں کی تقریباً 20 اہم سڑکوں کو آمدورفت کے لیے بند کر دیا ہے۔ امدادی اور ریسکیو ٹیمیں مسلسل صورتحال پر نظر رکھے ہوئے ہیں، جبکہ شہریوں سے اپیل کی گئی ہے کہ وہ زیرِ آب علاقوں کا رخ نہ کریں اور انتظامیہ کی ہدایات پر مکمل عمل کریں۔

ہندوستھان سماچار

ہندوستان سماچار / Mohammad Khan