نوئیڈا، یکم اگست (ہ س)۔ سیکٹر 20 پولیس نے ہفتے کے روز ایمیزون اور فلپ کارٹ کے ذریعے ڈیلیوری کے لیے بھیجی گئی اشیاء کی چوری اور فروخت میں ملوث ایک گینگ کے پانچ ارکان کو گرفتار کیا۔ ان کے پاس سے تقریبا 70 لاکھ روپے مالیت کا سامان برآمد کیا گیا ہے۔

پولیس سب انسپکٹر (زون I) سعد میاں خان نے بتایا کہ پولیس اسٹیشن سیکٹر 20 میں ایک کمپنی کے افسر بدن سنگھ نے کل رات رپورٹ درج کرائی تھی کہ ان کی کمپنی لاجسٹک کا کام کرتی ہے۔ نوئیڈا میں مقیم ڈیلیوری بوائے واجد خان اور اس کے ساتھی ان کی کمپنی کی طرف سے فلپ کارٹ اور ایمیزون پر ڈیلیوری کے لیے بھیجی گئی اشیاء چوری کر رہے ہیں اور دوسروں کو فروخت کر رہے ہیں۔ انہوں نے کہا کہ ایک خفیہ اطلاع کی بنیاد پر پولیس نے مرکزی ملزم واجد خان، ڈیلیوری بوائے سنیل کمار، وجے سنگھ، دھرمیندر، رگھوراج سنگھ کو آج گرفتار کیا۔ ان کے پاس سے مختلف تھیلوں میں پیک کی گئی تقریبا 70,63,564 روپے کی اشیاء برآمد ہوئی ہیں۔ اس میں کپڑے، جوتے، ایئربڈز، الیکٹرانک اشیاء وغیرہ شامل ہیں۔ انہوں نے کہا کہ گرفتار افراد سے پوچھ گچھ کی جا رہی ہے۔

ہندوستھان سماچار

--------

ہندوستان سماچار / عبدالواحد