نئی دہلی، 3 جولائی (ہ س)۔
راو¿ز ایونیو کی عدالت نے 31دسمبر 2018 کو نئے سال کے موقع پر منعقد جشن میں فائرنگ میں ایک خاتون کی موت کے معاملے میں قصور وار قرار دیئے گئے بہار کے بھارتیہ جنتا پارٹی ( بی جے پی ) ایم ایل اے راجو سنگھ کی سزا کی مدت پر فیصلہ محفوظ رکھ لیاہے۔ خصوصی جج وشال گوگنے نے راجو سنگھ کی سزا پر فیصلہ 4 جولائی کو سنانے کا حکم دیا۔
جمعہ کو سماعت کے دوران، پروبیشن افسر نے بتایا کہ راجو سنگھ پر بہار میں قتل کا ایک مقدمہ زیر التوا ہے، جس میں وہ ضمانت پر باہر ہیں۔ سماعت کے دوران راجو سنگھ کے وکیل نے کم سزا کے لیے دلائل دیے۔ انہیں کسی بھی سابقہ کیس میں سزا نہیں ملی اور وہ اس معاملے میں پہلے ہی دو ماہ جیل میں گزار چکے ہیں۔ انہوں نے کہا کہ راجو سنگھ چھ بار ایم ایل اے منتخب ہوئے ہیں۔
اس سے قبل عدالت نے سزا کی درست مدت کا تعین کرنے کے لیے جیل انتظامیہ سے پروبیشن رپورٹ طلب کی تھی۔ عدالت نے 6 جون کو راجو سنگھ کو مجرم قرار دیا۔ عدالت نے راجو سنگھ کی بیوی رینو سنگھ، رانا راجیش سنگھ اور رامندر سنگھ کو کیس کے تمام الزامات سے بری کر دیا۔ عدالت نے راجو سنگھ کو تعزیرات ہند کی دفعہ 304 (سیکشن 2) اور آرمس ایکٹ کی دفعہ 30 کے تحت مجرم قرار دیا۔ عدالت نے 23 نومبر 2023 کو اس کیس کے تمام ملزمان کے خلاف الزامات طے کیے تھے۔ عدالت نے راجو سنگھ پر تعزیرات ہند کی دفعہ 304 (سیکشن 2) اور آرمس ایکٹ کی دفعہ 30 کے تحت شواہد کو تباہ کرنے اور راجو سنگھ کی بیوی رینو، رانا راجیش سنگھ اور رامیندر سنگھ پر شواہد کو تباہ کرنے کا الزام عائد کیا۔
درحقیقت نئے سال کے موقع پر 31 دسمبر 2018 کو امبیڈکر کالونی منڈی گاو¿ں کے روز فارم میں جشن منانے کے دوران فائرنگ کے دوران ارچنا گپتا نامی خاتون کی موت ہو گئی تھی۔ شکایت کنندہ وکاس گپتا کے مطابق، اس کی بیوی نے راجو سنگھ کو گلے لگایا، جس کے بعد وہ اس کے ساتھ ڈانس کرنے ڈی جے کے پاس گیا۔ اس دوران اس نے راجو سنگھ، اس کے سیکورٹی گارڈز اور کچھ دوسرے لوگوں کو اپنے ہتھیاروں سے ہوا میں فائرنگ کرتے دیکھا۔ پانچ منٹ بعد، اس نے راجو سنگھ کو دوبارہ فائرنگ کرتے دیکھا۔ شکایت کنندہ نے اپنی بیوی کو اچانک گرتے دیکھا تو وہ اسے دیکھنے کے لیے بھاگا۔ اس نے اسے بے ہوش اور خون آلود دیکھا۔ اس کے بعد وہ اسے کچھ مہمانوں کے ساتھ انووا کار میں فورٹس ہسپتال لے گیا۔
دہلی پولیس نے اس معاملے میں 28 ستمبر 2019 کو چارج شیٹ داخل کی تھی۔ عدالت نے 30 اکتوبر 2023 کو چارج شیٹ کا نوٹس لیا تھا۔ راجو سنگھ پہلی بار 2005 میں بہار کے صاحب گنج سے لوک جن شکتی پارٹی کے ٹکٹ پر ایم ایل اے منتخب ہوئے تھے۔
ہندوستھان سماچار
ہندوستان سماچار / عطاءاللہ
