نئی دہلی، 02 جولائی (ہ س)۔ دہلی پریمیر لیگ (ڈی پی ایل) 2026 کے تیسرے سیزن کے لیے پرانی دہلی-6 نے بدھ کو منعقدہ کھلاڑیوں کی نیلامی کے بعد اپنی 25 رکنی ٹیم کا اعلان کر دیا ہے۔ ٹیم نے تجربہ کار اور نوجوان باصلاحیت کھلاڑیوں کا متوازن امتزاج تیار کیا ہے۔

فرنچائز نے بھارتی ٹیم کے وکٹ کیپر بلے باز رشبھ پنت کی جگہ للت یادو کو ٹیم میں شامل کیا ہے۔ بین الاقوامی کرکٹ مصروفیات کے باعث پنت ڈی پی ایل کے اس سیزن میں دستیاب نہیں ہوں گے۔

پرانی دہلی-6 کی ٹیم میں انوج راوت، دگویش راٹھی، دیو لاکڑا، پنکج جسوال، سمرتھ سیٹھ، راجنیش دادر اور اُدھو موہن جیسے اہم کھلاڑیوں کو بھی شامل کیا گیا ہے۔

ڈی پی ایل کا تیسرا سیزن 31 جولائی سے 30 اگست تک کھیلا جائے گا۔

فرنچائز کے مالک آکاش نانگیا نے کہا کہ ٹیم میں تجربہ کار اور نوجوان کھلاڑیوں کا بہترین امتزاج تیار کیا گیا ہے۔

انہوں نے ایک سرکاری بیان میں کہا، ہم اپنی ٹیم سے بے حد مطمئن ہیں۔ ہمارا مقصد ایک متوازن اور مضبوط ٹیم تشکیل دینا تھا اور ہمیں یقین ہے کہ یہ ٹیم خطاب جیتنے کی صلاحیت رکھتی ہے۔

ہیڈ کوچ وجے دہیا نے کہا کہ نیلامی کے دوران ایسے کھلاڑیوں کا انتخاب کیا گیا ہے جو ہر صورتحال میں ٹیم کے لیے مؤثر کردار ادا کر سکیں۔

انہوں نے کہا، ہمارے پاس بلے بازی اور گیند بازی دونوں شعبوں میں گہرائی موجود ہے۔ اب ہماری پوری توجہ ٹیم کو متحد کرکے ٹورنامنٹ کے لیے تیار کرنے پر ہوگی۔

پرانی دہلی-6 کی ٹیم (ڈی پی ایل سیزن-3)

للت یادو، اُدھو موہن، راجنیش دادر، روہن رانا، آریان گور، وانم اگروال، اجے اہلاوت، کش ناگپال، دگویش راٹھی، یگ گپتا، کبیر سچدیوا، گورو سروہا، دیو لاکڑا، انوج راوت، سمرتھ سیٹھ، موہک کمار، یش کمار، پنکج جسوال، ہرش وردھن پھوگاٹ، ارجن ریکسوال، لکشیہ ورما، پرنس مشرا، اشونی چلر، آدتیہ ورما اور آدتیہ ملہوترا۔

ہندوستھان سماچار

---------------

ہندوستان سماچار / عبدالواحد