ٹوکیو ، 17 جولائی (ہ س)۔ ہندوستان کی اسٹار بیڈمنٹن کھلاڑی پی وی سندھو بی ڈبلیو ایف جاپان اوپن سپر 750 بیڈمنٹن ٹورنامنٹ کے سیمی فائنل میں پہنچ گئی ہیں۔ ان کی کوارٹر فائنل حریف اور میزبان جاپان کی سابق عالمی چمپئن نوزومی اوکوہارا چوٹ کی وجہ سے میچ سے دستبردار ہوگئیں ،جس کی بناءپر سندھو کو واک اوورمل گیا۔اس جیت کے ساتھ سندھو 2023 ڈنمارک اوپن کے بعد پہلی بار کسی سپر 750 ٹورنامنٹ کے سیمی فائنل میں پہنچی ہیں۔ یہ 2026 میں ان کا تیسرا سیمی فائنل بھی ہے ، جو اس سیزن میں اس کی شاندار واپسی کی علامت ہے۔سندھو نے سیزن کا آغاز دنیا میں 18 ویں نمبر پر کیا تھا، اب وہ ٹاپ 10 میں واپس آگئی ہیں اور اس وقت عالمی نمبر 9 پر ہیں۔سیمی فائنل میں ان کا مقابلہ چن یوفے سے ہوگاسیمی فائنل میں سندھو کا مقابلہ سابق اولمپک چمپئن اور عالمی نمبر 4 چین کی چن یوفے سے ہوگا۔ چن نے کوارٹر فائنل میں جنوبی کوریا کے سم یو جن کو 21-10، 21-12 سے شکست دے کر آخری چار میں رسائی حاصل کی۔سندھو اور چن نے اب تک 14 میچز کھیلے ہیں جن میں چینی کھلاڑی کو 8-6 کی برتری حاصل ہے۔ قابل ذکر بات یہ ہے کہ سندھو کو گزشتہ مسلسل پانچ میچوں میں چن سے شکست ہوئی ہے۔اس لیے سندھو کے لیے سیمی فائنل ایک بڑا چیلنج ہوگا۔ جیت نہ صرف ان کی چن کے خلاف ہارنے کا سلسلہ ختم کر ے گی بلکہ تقریباً تین سالوں میں ان کی پہلی سپر 750 فائنل میں شرکت کی علامت بھی بن جائے گی۔ہندوستھان سماچار

ہندوستان سماچار / Mohammad Khan