اداکارہ دیپیکا پدوکون اپنے دوسرے بچے کے استقبال کی تیاری کے دوران بھی اپنے پیشہ ورانہ عہدوں کو ترجیح دے رہی ہیں۔ رپورٹس کے مطابق دیپیکا، جو تقریباً سات ماہ کی حاملہ ہیں، ہدایت کار ایٹلی کی آنے والی فلم 'راکا' کی شوٹنگ میں مصروف ہیں۔ اداکارہ زچگی کی چھٹی پر جانے سے پہلے شوٹنگ مکمل کرنے کے لیے مسلسل کام کر رہی ہیں۔

رپورٹس سے پتہ چلتا ہے کہ دیپیکا اس فلم میں اللو ارجن کے ساتھ نظر آئیں گی اور اس وقت رات کی شفٹوں کے دوران کئی چیلنجنگ ایکشن سیکونسز کی شوٹنگ کر رہی ہیں۔ بتایا جارہاہے کہ کچھ ایکشن سیکوئنس جسمانی طور پر بہت سخت ہیں، اس کے باوجود دیپیکا پوری لگن کے ساتھ شوٹنگ کر رہی ہیں۔ ذرائع کا کہنا ہے کہ سیٹ پر ان کی وابستگی پوری ٹیم کے لیے ایک تحریک ہے۔

مبینہ طور پر دیپیکا کا مقصد اپنے حمل اور کام میں توازن رکھتے ہوئے فلم کی شوٹنگ مکمل کرنا ہے۔ 'راکا' میں پہلی بار دیپیکا پدوکون اور اللو ارجن اسکرین شیئر کریں گے۔ رشمیکا مندانا، جانہوی کپور اور مرونال ٹھاکر کے اہم کرداروں میں نظر آنے کی بات بھی کی جارہی ہے، حالانکہ پروڈیوسرز کی جانب سے باضابطہ تصدیق کا ابھی انتظار ہے۔

ہندوستھان سماچار

---------------

ہندوستان سماچار / عبدالسلام صدیقی