بدری ناتھ، 14 جولائی (ہ س)۔ اتراکھنڈ کے بدری ناتھ دھام میں چڑھاوے کی مبینہ چوری کی تحقیقات کے لیے تشکیل دی گئی ایک اعلیٰ سطحی تحقیقاتی ٹیم منگل کو بدری ناتھ دھام پہنچی اور تحقیقات کا آغاز کیا۔ ٹیم نے معاملے میں ملوث ملازمین سے پوچھ گچھ کی، جائے وقوعہ سے سی سی ٹی وی فوٹیج کا باریک بینی سے جائزہ لیا اور دستیاب ریکارڈ اور دستاویزات کی جانچ کی۔ ٹیم نے چڑھاوا جمع کرنے اور نگرانی میں شامل پورے عمل کا بھی جائزہ لیا۔

گڑھوال کمشنر آنند سوروپ کی قیادت میں ٹیم نے گڑھوال منڈل وکاس نگم (جی ایم وی این) کے منیجنگ ڈائریکٹر سندیپ تیواری اور فائنانس آفیسر جگت سنگھ چوہان کے ساتھ جگہ کا معائنہ کیا۔ تحقیقاتی ٹیم نے جائے وقوعہ پر ڈیوٹی پر موجود ملازمین سے پوچھ گچھ بھی کی۔ حکام نے جائے وقوعہ سے سی سی ٹی وی فوٹیج کا باریک بینی سے جائزہ لیا اور دستیاب ریکارڈ اور مالیاتی ریکارڈ کی اچھی طرح جانچ کی۔ ٹیم نے معاملے کے تمام پہلوؤں کی چھان بین کی اور ضروری معلومات اکٹھی کیں۔

جی ایم وی این کے منیجنگ ڈائریکٹر سندیپ تیواری نے بتایا کہ تحقیقات کے دوران یہ طے پایا کہ کون سے ملازمین زیر بحث کاو¿نٹر پر ڈیوٹی پر تھے۔ انہوں نے مزید کہا کہ پرانی سی سی ٹی وی فوٹیج کا بھی تفصیلی مطالعہ کیا گیا اور کیس میں گرفتار ملزمان سے متعلق حقائق کا بھی جائزہ لیا گیا۔

انہوں نے کہا کہ شکایت کنندہ کا بیان ریکارڈ کیا جائے گا۔ اگر کسی عقیدت مندیا دیگر شخص کے پاس معاملے سے متعلق کوئی اہم معلومات ہے تو اسے بھی جانچ ٹیم کے سامنے اپنا موقف پیش کرنے کا موقع دیا جائے گا۔ یہ معاملے کا ان کا پہلاجائے وقوع کا دورہ ہے اور تحقیقات جاری ہیں۔ تحقیقات مکمل ہونے کے بعد حقائق کی بنیاد پر مزید کارروائی کی جائے گی۔ عہدیداروں نے بتایا کہ تحقیقات کا مقصد پورے واقعہ کی غیر جانبداری اور شفاف طریقے سے جانچ کرکے حقائق کو واضح کرنا ہے۔

قابل ذکر ہے کہ بدری ناتھ دھام میں عطیات اور چڑھاوامیں بے ضابطگیوں کے الزامات سامنے آنے کے بعد ریاستی حکومت نے گڑھوال کمشنر آنند سوروپ کی سربراہی میں ایک اعلیٰ سطحی تحقیقاتی کمیٹی تشکیل دی تھی۔ کمیٹی پورے معاملے کی تحقیقات کرے گی اور اپنی رپورٹ حکومت کو پیش کرے گی۔

ہندوستھا ن سماچار

ہندوستان سماچار / محمد شہزاد