ابتدائی کاروبار میں شیئر بازار میں تیزی، سینسیکس اور نفٹی میں اضافہ

نئی دہلی، یکم جولائی (ہ س)۔ گھریلو شیئر بازار میں آج ابتدائی کاروبار کے دوران تیزی کا رجحان بنا ہوا نظر آ رہا ہے۔ آج کے کاروبار کی شروعات بھی معمولی برتری کے ساتھ ہوئی تھی۔ بازار کھلنے کے بعد کچھ ہی دیر میں خریداروں نے خریداری کا زور بنا دیا، جس کی وجہ سے سینسیکس اور نفٹی دونوں انڈیکس کی چال میں تیزی آ گئی۔ حالانکہ بیچ بیچ میں منافع وصولی کی وجہ سے معمولی فروخت بھی ہوتی رہی، اس کے باوجود ان دونوں انڈیکس کی چال میں تیزی برقرار رہی۔ پہلے ایک گھنٹے کا کاروبار ہونے کے بعد سینسیکس 0.52 فیصد اور نفٹی 0.51 فیصد کی مضبوطی کے ساتھ کاروبار کر رہے تھے۔

شروعاتی ایک گھنٹے کا کاروبار ہونے کے بعد شیئر بازار کے سرکردہ شیئروں میں سے مہندرا اینڈ مہندرا، ماروتی سوزوکی، نیسلے، ہندوستان یونی لیور اور الٹرا ٹیک سیمنٹ کے شیئر 2.99 فیصد سے لے کر 2.01 فیصد کی مضبوطی کے ساتھ کاروبار کر رہے تھے۔ دوسری جانب، ٹیک مہندرا، بجاج فنسرو، ایچ سی ایل ٹیکنالوجی، ڈاکٹر ریڈیز لیبارٹریز اور ہنڈالکو انڈسٹریز کے شیئر 2.08 فیصد سے لے کر 0.77 فیصد کی کمزوری کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,732 شیئروں میں ایکٹیو ٹریڈنگ ہو رہی تھی۔ ان میں سے 1,837 شیئر منافع کما کر سبز نشان میں کاروبار کر رہے تھے، جبکہ 895 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 19 شیئر خریداری کی حمایت سے سبز نشان میں برقرار تھے۔ دوسری جانب 11 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 30 شیئر سبز نشان میں اور 20 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 66.54 پوائنٹس کے اضافے کے ساتھ 76,545.21 پوائنٹس کی سطح پر کھلا۔ کاروبار کی شروعات ہوتے ہی خریداری کی حمایت ملنے سے اس انڈیکس کی چال میں تیزی آ گئی۔ حالانکہ بیچ بیچ میں فروخت کے معمولی جھٹکے بھی لگتے رہے۔ اس کے باوجود اس انڈیکس کی تیزی لگاتار برقرار رہی۔ بازار میں مسلسل جاری خرید و فروخت کے درمیان پہلے ایک گھنٹے کا کاروبار ہونے کے بعد صبح 10.15 بجے سینسیکس 395.44 پوائنٹس کی مضبوطی کے ساتھ 76,874.11 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 31.90 پوائنٹس کے اضافے کے ساتھ 23,897.65 پوائنٹس کی سطح سے کاروبار کی شروعات کی۔ بازار کھلتے ہی خریداروں نے خریداری شروع کر دی، جس سے اس انڈیکس میں اچھال آنے لگا۔ بازار میں مسلسل جاری خریداری کے سبب صبح 10 بجے کے قریب یہ انڈیکس مزید بڑھ کر 23,996.40 پوائنٹس تک پہنچ گیا۔ بازار میں مسلسل جاری خرید و فروخت کے درمیان ابتدائی ایک گھنٹے کا کاروبار ہونے کے بعد صبح 10.15 بجے نفٹی 122.15 پوائنٹس کی تیزی کے ساتھ 23,987.90 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن