آل انڈیا وائی ایس اے اے نیشنل شوٹنگ چیمپئن شپ -2026 گوا میں منعقد ہوئی

مرادآباد،یکم جولائی (ہ س)۔

اتر پردیش کے مرادآباد ضلع کی شارپ شوٹنگ اکیڈمی کی کوچ انامیکا چودھری نے بدھ کو کہا کہ ضلع کی شارپ شوٹنگ اکیڈمی کے کھلاڑیوں نے 26 سے 30 جون تک گوا میں منعقدہ آل انڈیا وائی ایس اے اے نیشنل شوٹنگ چمپئن شپ-2026 میں شاندار کارکردگی کا مظاہرہ کیا اور ایک گولڈ، ایک چاندی اور ایک کانسی کاتمغہ جیتا۔

پرتھوی سنگھ تومر نے 10 میٹر ایئر پسٹل مقابلے میں گولڈ میڈل جیتا۔ ورون چودھری نے 10 میٹر ایئر رائفل مقابلے میں چاندی کا تمغہ جیتا اور اشونی گرجر نے 10 میٹر ایئر پسٹل مقابلے میں کانسی کا تمغہ جیتا۔ کوچ انامیکا چودھری نے کھلاڑیوں کو مبارکباد دیتے ہوئے کہا کہ ان کی محنت اور لگن کا نتیجہ ہے کہ ان کی قومی سطح پر بہترین کارکردگی ہے۔

ہندوستھان سماچار

ہندوستان سماچار / عطاءاللہ