تہران، یکم جولائی (ہ س)۔

ایران کے قائم مقام وزیر دفاع، بریگیڈیئر جنرل ماجد ابن الرضا نے کہا ہے کہ ملک کا دفاع، میزائل اور ڈرون کی صلاحیتیں قومی سلامتی کے لیے سرخ لکیر ہیں اور ان پر کوئی بات چیت نہیں کی جائے گی۔

ایران کی نیم سرکاری خبر رساں ایجنسی تسنیم کے مطابق، بریگیڈیئر جنرل ماجد ابن الرضا نے سوشل میڈیا پلیٹ فارم ایکس پر کہا کہ انہوں نے قانون سازوں کے ساتھ ملاقات میں ایران کے خلاف حالیہ امریکی اسرائیلی جارحیت کے پہلوو¿ں، کامیابیوں اور خصوصیات پر زور دیا۔

انہوں نے اس بات پر زور دیا کہ ایران کی دفاعی، میزائل اور ڈرون صلاحیتیں قومی سلامتی کی سرخ لکیر ہیں اور یہ اب یا مستقبل میں بات چیت کا موضوع نہیں ہوں گی۔

انہوں نے ایران کی دفاعی، میزائل اور ڈرون صلاحیتوں کو مضبوط بنانے کی ضرورت پر زور دیتے ہوئے کہا کہ یہ صلاحیتیں ملکی صلاحیتوں اور مقامی ٹیکنالوجی کی بنیاد پر تیار کی جاتی رہیں گی۔

ہندوستھان سماچار

ہندوستان سماچار / عطاءاللہ