مانسا، 9 جون (ہ س)۔ قومی تفتیشی ایجنسی (این آئی اے) نے منگل کو بڈھلاڈا سب ڈویژن کے کولانہ گاؤں میں ایک نوجوان کے گھر پر چھاپہ مارا۔ یہ چھاپے ماری پاکستانی دہشت گرد شہزاد بھٹی سے مبینہ روابط کی تحقیقات کے سلسلے میں کی گئی ۔ این آئی اے کی ٹیم نے گاؤں میں یادویندر سنگھ عرف پریت کے گھر کی تلاشی لی۔ اس کیس کے سلسلے میں مرکزی ایجنسی کی اس کے گھر پر یہ تیسرا چھاپہ ماری ہے۔

اہل خانہ کے مطابق، این آئی اے کے اہلکاروں نے گھر کی تلاشی لی اور بینک کھاتوں سے متعلق دستاویزات اور بیانات کی بھی جانچ کی۔ تاہم اس بار ایجنسی نے گھر سے کوئی سامان ضبط نہیں کیا۔ میڈیا سے بات کرتے ہوئے یادویندر سنگھ نے بتایا کہ این آئی اے حکام نے ان سے کچھ موبائل نمبر اور رابطوں کے بارے میں پوچھ گچھ کی اور انہیں 15 جون کو چنڈی گڑھ میں این آئی اے کے دفتر میں حاضر ہونے کی ہدایت دی ۔ یادویندر سنگھ کے خلاف این ڈی پی ایس ایکٹ کے تحت مقدمہ درج کیا گیا ہے۔

یادویندر نے کہا کہ پچھلے چھاپوں کے دوران افسران اس کا موبائل فون اپنے ساتھ لے گئے تھے۔ اس بار، انہوں نے صرف اس کے گھر کی تلاشی لی اور اسے پیر کو چنڈی گڑھ کے دفتر میں حاضر ہونے کو کہا ہے۔ این آئی اے حکام نے تحقیقات سے متعلق کوئی باضابطہ معلومات کا اشتراک نہیں کیا ہے ۔ ایجنسی اس معاملے کی گہرائی سے تحقیقات کر رہی ہے۔

ہندوستھا ن سماچار

ہندوستان سماچار / محمد شہزاد