نئی دہلی، 7 جون (ہ س)۔ کانگریس کے جنرل سکریٹری (مواصلات) جے رام رمیش نے کہا کہ 8 جون کو نئی دہلی میں ہونے والی اپوزیشن انڈی اتحاد کی میٹنگ میں 23 سیاسی جماعتوں نے اپنی شرکت کی تصدیق کی ہے۔ میٹنگ دوپہر 12 بجے کانسٹی ٹیوشن کلب میں ہوگی۔

جئے رام رمیش نے اتوار کو سوشل میڈیا پلیٹ فارم ایکس پر کہا کہ انڈی اتحاد (انڈیا جن بندھن) میں شامل کچھ پارٹیوں نے مختلف وجوہات کی بناء پر اس خصوصی اجلاس میں شرکت سے اپنی معذوری ظاہر کی ہے۔ تاہم، انہوں نے بھی مرکزی حکومت کی ان پالیسیوں اور اقدامات کی مخالفت کی ہے جو کروڑوں ہندوستانیوں کے حق رائے دہی کو متاثر کر رہی ہیں، آئین پر حملہ کر رہی ہیں اور تحقیقاتی ایجنسیوں کے ذریعے اپوزیشن لیڈروں کو نشانہ بنا رہی ہیں۔

انہوں نے الزام لگایا کہ مرکزی حکومت کی پالیسیوں سے لاکھوں لوگوں کی روزی روٹی متاثر ہو رہی ہے۔ بڑھتی ہوئی مہنگائی گھریلو بجٹ کو متاثر کر رہی ہے۔ اس کے ساتھ ہی نوجوانوں کی امیدوں اور امنگوں کو دھوکہ دیا جا رہا ہے۔ حکومت اپنی خارجہ پالیسی کے ذریعے سرمایہ کاری کے ماحول کو کمزور کر رہی ہے اور قومی مفادات سے سمجھوتہ کر رہی ہے۔

---------------

ہندوستان سماچار / عبدالسلام صدیقی