وارانسی، 5 جون (ہ س)۔ وارانسی کے بھوجوبیر میں واقع اپنی رہائش گاہ پر چندولی سے سماج وادی پارٹی کے رکن پارلیمنٹ وریندر سنگھ نے اتر پردیش پولیس کے موجودہ رویہ پر سوال اٹھایا۔ نامہ نگاروں سے بات کرتے ہوئے ایم پی ویریندر سنگھ نے کہا کہ ان دنوں ایک نیا رجحان دیکھنے میں آرہا ہے۔ پی ڈی اے برادری سے آنے والے مجرموں کو کمر سے اوپر گولی ماری جارہی ہے، جبکہ دیگر مجرموں کو انکاونٹر میں ٹانگوں میں گولی ماری جارہی ہے۔

ایم پی وریندر سنگھ نے کہا کہ یہ موجودہ حکومت کا کارنامہ ہے کہ ہاف انکاونٹر کی اصطلاح سامنے آئی ہے۔ پہلے، انکاونٹر ہوتے تھے جہاں مجرم کو گولی لگ جایا کرتی تھی۔ اب ہر جرم میں مفرور مجرم کے ہاف انکاونٹر کی خبریں آتی ہیں۔

غازی پور میں ونیت رائے قتل کیس کے بارے میں انہوں نے کہا کہ جہاں قانون کی حکمرانی ہے وہاں بھی کھلم کھلا جرم ہو رہا ہے۔ اتنے دنوں کے بعد بھی انکاونٹر میں صرف ایک مجرم کی اطلاع ملی ہے۔ متاثرہ خاندان کو ابھی تک انصاف نہیں ملا۔

---------------

ہندوستان سماچار / عبدالسلام صدیقی