نئی دہلی، 4جون(ہ س)۔ نچلی سطح سے ہوئی ویلو بائنگ کی وجہ سے گھریلو شیئر بازار آج شروعاتی کاروبار میں گراوٹ کا سامنا کرنے کے بعد معمولی برتری کے ساتھ بند ہونے میں کامیاب رہا۔آج کے کاروبار کی شروعات گراوٹ کے ساتھ ہوئی تھی۔ بازار کھلنے کے فورا بعد فروخت کا دباو¿ بڑھنے سے سینسکس اور نفٹی دونوں انڈیکس مزید گراوٹ کا شکار ہو گئے۔ اس کے فورا بعد، خریداروں نے نچلی سطح سے خریداری شروع کر دی، جس کی وجہ سے یہ دونوں انڈیکس بازیاب ہو سکے اور صبح 10 بجے تک ٹریڈنگ میں گرین مارک تک پہنچ گئے۔

تاہم 10 بجے کے بعد دن بھر خریداروں اور فروخت کنندگان کے درمیان مارکیٹ پر غلبہ حاصل کرنے کی کوشش ہوتی رہی جس کی وجہ سے شیئر مارکیٹ کی نقل و حرکت میں بھی محدود حد تک مسلسل اتار چڑھاو¿ آتا رہا۔ سینسکس 0.02 فیصد اور نفٹی 0.05 فیصد بلند ہوا۔آج دن کی تجارت کے دوران کنزیومر ڈیوریبلز، کیپٹل گڈز اور آٹوموبائل کے شعبوں کے شیئرز میں مسلسل خریداری دیکھنے میں آئی۔

اسی طرح دواسازکمپنیوں، بینکنگ، توانائی، ایف ایم سی جی، تیل و گیس اور پبلک سیکٹر انٹرپرائز انڈیکس بھی سبز رنگ میں بند ہونے میں کامیاب رہے۔ دوسری طرف، آئی ٹی اور دھات کے شعبے کے اسٹاک آج دباو¿ میں رہے۔ وسیع تر بازاروں میں آج دن بھر خریداری کی سرگرمی دیکھنے میں آئی، جس کی قیادت نفٹی مڈکیپ انڈیکس نے کی، جو 0.46 فیصد زیادہ بند ہوا۔ اسی طرح، سمال کیپ انڈیکس نے دن کی تجارت 0.58 فیصد زیادہ ختم کی۔

آج شیئر مارکیٹ میں مضبوطی کی وجہ سے شیئر مارکیٹ کے سرمایہ کاروں کی دولت میں تقریبا 3.5 کروڑ روپے کا اضافہ ہوا ہے۔ آج کی تجارت کے بعد بی ایس ای میں درج کمپنیوں کا مارکیٹ کیپٹلائزیشن بڑھ کر 462.16 لاکھ کروڑ روپے (عارضی) ہو گیا۔ جبکہ آخری تجارتی دن یعنی بدھ کو ان کا مارکیٹ کیپٹلائزیشن 460.43 لاکھ کروڑ روپے تھا۔ اس طرح آج کی تجارت سے سرمایہ کاروں کو تقریبا 1.73 لاکھ کروڑ روپے کا منافع ہوا۔بی ایس ای پر دن کی تجارت میں 4,361 شیئرزفعال تھے۔ مجموعی طور پر 2,244 شیئرز میں اضافہ ہوا، 1,940شیئرز میں کمی ہوئی، اور 177 شیئر میں کوئی تبدیلی نہیں ہوئی۔ این ایس ای پر آج 2,995 شیئرز کی فعال تجارت ہوئی۔ ان میں سے 1,608 شیئرز فوائد کے ساتھ سبز رنگ میں بند ہوئے اور 1,387 شیئرز نقصان کے ساتھ سرخ رنگ میں بند ہوئے۔

اسی طرح سینسکس کے 30 شیئرز میں سے 12 میں اضافہ ہوا جبکہ 18 شیئرز میں گراوٹ آئی۔ نفٹی کے50 شیئرز میں سے 23 سبز رنگ میں تجارت کر رہے تھے، جبکہ 27 سرخ رنگ میں تھے۔بی ایس ای سینسکس آج 4,10,34 پوائنٹس کی گراوٹ کے ساتھ 73,935.83 پر کھلا۔ ابتدائی تجارت میں فروخت کا دباو¿ بڑھنے سے انڈیکس 538.87 پوائنٹس گر کر 73,807.30 پر آگیا۔

ہندوستھان سماچار

ہندوستان سماچار / Mohammad Khan