پریاگ راج، 4 جون (ہ س)۔ اتر پردیش کے پریاگ راج ضلع کے سول لائنز تھانہ علاقے میں بدھ کی دیر رات، ایک بے قابو کار درخت سے ٹکرا گئی۔ اس حادثے میں سماج وادی پارٹی لوہیا واہنی کے ریاستی سکریٹری رتنیش یادو کی موت ہو گئی، جب کہ ان کے تین ساتھی زخمی ہو گئے۔ پولیس نے موقع پر پہنچ کر تمام زخمیوں کو فوری طور پر علاج کے لیے اسپتال میں داخل کرایا۔

شہر کے ڈپٹی کمشنر منیش کمار شانڈیلیا نے بتایا کہ ہنڈیا علاقے کے دمدم گاو¿ں کے رہنے والے رتنیش یادو ایک پرنٹنگ پریس چلاتے تھے اور وہ سماج وادی پارٹی کی لوہیا واہنی کے ریاستی سکریٹری تھے۔ بدھ کی رات وہ پریس سے نکل کر اپنے تین دوستوں کے ساتھ سول لائنز کے علاقے میں ڈنر کرنے گئے تھے۔ کھانا کھانے کے بعد سب گاڑی میں گھر لوٹ رہے تھے۔ دوپہر ایک بجے کے قریب دوسا پلازہ چوراہے کے قریب کار اچانک بے قابو ہو کر سڑک کے کنارے لگے درخت سے ٹکرا گئی۔ تصادم اتنا شدید تھا کہ کار کا اگلا حصہ مکمل طور پر تباہ ہوگیا۔ حادثے کے وقت رتنیش یادو ڈرائیور کے ساتھ والی سیٹ پر بیٹھے تھے۔

واقعہ کی اطلاع پر پہنچی سول لائنز پولیس کی ٹیم نے تمام زخمیوں کو فوری طور پر اسپتال منتقل کیا۔ جہاں ڈاکٹروں نے رتنیش یادو کو مردہ قرار دے دیا۔ کار میں سوار دیگر تین افراد زخمی ہوگئے اور ان کا علاج جاری ہے۔ ڈاکٹرکے مطابق ان کی حالت خطرے سے باہر ہے۔ ڈی سی پی نگر نے بتایا کہ سول لائنس علاقہ میں ایک کار کے درخت سے ٹکرانے کی اطلاع ملی تھی۔ پولیس فوری طور پر موقع پر پہنچ گئی اور زخمیوں کو اسپتال بھیج دیا گیا۔ حادثے میں رتنیش یادو کی موت ہو گئی ہے، جب کہ دیگر زخمیوں کا علاج جاری ہے۔ پولیس معاملے کی تحقیقات کر رہی ہے۔

---------------

ہندوستان سماچار / عبدالسلام صدیقی