نوئیڈا، 4 جون (ہ س)۔ نوئیڈا میں کل رات مختلف سڑک حادثات میں ایک خاتون سمیت پانچ افراد کی موت ہو گئی۔ پولیس نے رپورٹ درج کر لی ہے اور معاملے کی تحقیقات کر رہی ہے۔ ربوپورہ پولیس اسٹیشن کے انسپکٹر انچارج شیام بابو شکلا نے بتایا کہ بھگوتی زوجہ سنترام عمر45 سال جوپلول ضلع، ہریانہ کے رہنے والے ہیں، کل موٹرسائیکل پر سوار ہوکر یمنا ایکسپریس وے کے راستے نوئیڈا جا رہی تھی کہ تبھی تھانہ علاقہ میںایکسپریس وے پرکھڑی بس سے اس کی موٹرسائیکل ٹکرا گئی۔ بھاگوتی اور اس کے خاندان کے دو دیگر افراد، جو موٹر سائیکل پر سوار تھے، اس واقعے میں شدید زخمی ہو گئے۔ انہیں علاج کے لیے اسپتال میں داخل کرایا گیا، جہاں بدھ کی دیر رات ان کی موت ہوگئی۔ انہوں نے بتایا کہ پولیس نے لاشوں کو تحویل میں لے کر پوسٹ مارٹم کے لیے بھیج دیا ہے۔

سیکٹر 142 تھانے کے انچارج انسپکٹر ونود کمار مشرا نے بتایا کہ سچن سنگھ ولد جیویر سنگھ 28 سالہ ساکن سورن ضلع مدھیہ پردیش تھانہ علاقہ میں کل رات سڑک حادثہ میں شدید زخمی ہو گیا۔ اسے علاج کے لیے اسپتال میں داخل کرایا گیا، جہاں علاج کے دوران اس کی موت ہوگئی۔ انہوں نے کہا کہ پولیس معاملے کی تحقیقات کر رہی ہے۔

دنکور پولس تھانہ کے انچارج انسپکٹر منوج کمار سنگھ نے بتایا کہ تھانہ علاقہ میں ایک سڑک حادثہ میں سنگیتا رانی، 47 سال زوجہ رام کمار شدید زخمی ہوگئی۔ علاج کے دوران کل رات اس کی موت ہوگئی۔ انہوں نے بتایا کہ پولیس نے لاش کو تحویل میں لے کر پوسٹ مارٹم کے لیے بھیج دیا ہے۔

تھانہ بادل پور کے انچارج انسپکٹر امت بھڈانا نے بتایا کہ آلوک کمار ولد پرمود کمار عمر 39 سال تھانہ علاقہ میں کل رات پیش آئے سڑک حادثہ میں شدید زخمی ہو گیا۔ اسے علاج کے لیے اسپتال میں داخل کرایا گیا، جہاں علاج کے دوران اس کی موت ہوگئی۔ پولیس اسٹیشن سیکٹر 20 کے انچارج انسپکٹر اروند کمار نے بتایا کہ پون کمار ولد چکرورتی شرما جو پریاگ راج ضلع کا رہنے والا تھا، عمر 35 سال، کل رات تھانہ علاقہ میں پیش آئے ایک سڑک حادثہ میں شدید زخمی ہوگیا۔ اسے علاج کے لیے اسپتال میں داخل کرایا گیا، جہاں علاج کے دوران اس کی موت ہوگئی۔ انہوں نے کہا کہ پولیس معاملے کی تحقیقات کر رہی ہے۔

---------------

ہندوستان سماچار / عبدالسلام صدیقی