ضلع انتظامیہ راجوری نے وی آئی پی دورے کے پیش نظر تمام ملازمین کو ڈیوٹی پر رہنے کا حکم جاری کیا

جموں، 04 جون (ہ س)۔ ضلع ترقیاتی کمشنر پونچھ نے 7 جون کو سو روزہ نشہ مُکت جموں و کشمیر ابھیان کے سلسلے میں مجوزہ وی آئی پی دورے کے پیش نظر ایک سرکلر جاری کرتے ہوئے ضلع کے تمام سرکاری ملازمین کو ڈیوٹی پر حاضر رہنے اور چھٹیوں پر پابندی عائد کرنے کے احکامات جاری کیے ہیں۔ جاری کردہ حکم نامے کے مطابق فوری اثر سے کسی بھی سرکاری ملازم کو وی آئی پی پروگرام کے اختتام تک کسی قسم کی چھٹی منظور نہیں کی جائے گی، سوائے انتہائی ہنگامی حالات کے اور وہ بھی مجاز اتھارٹی کی پیشگی منظوری سے مشروط ہوگی۔

سرکلر میں تمام افسران اور ملازمین کو ہدایت دی گئی ہے کہ وہ مقررہ مدت کے دوران ناگزیر اور غیر معمولی حالات کے علاوہ چھٹی کے لیے درخواست نہ دیں۔ ضلع انتظامیہ نے 7 جون کو منعقد ہونے والے پروگرام میں ضلع کے تمام سرکاری ملازمین کی شرکت لازمی قرار دی ہے، البتہ خصوصی طور پر مستثنیٰ قرار دیے گئے ملازمین اس سے مستثنیٰ ہوں گے۔

ڈپٹی کمشنر نے ضلعی اور سیکٹورل افسران کو اپنے ماتحت ملازمین کی حاضری یقینی بنانے کی ہدایت دیتے ہوئے انہیں ان احکامات پر مکمل عمل درآمد کا ذاتی طور پر ذمہ دار قرار دیا ہے۔ انتظامیہ نے خبردار کیا ہے کہ کسی بھی ملازم کی غیر مجاز غیر حاضری یا احکامات کی خلاف ورزی کو سنجیدگی سے لیا جائے گا اور متعلقہ سروس قواعد کے تحت کارروائی عمل میں لائی جائے گی۔تمام متعلقہ محکموں کو ہدایت دی گئی ہے کہ مجوزہ وی آئی پی دورے اور متعلقہ پروگرام کے کامیاب انعقاد کو یقینی بنانے کے لیے ان احکامات پر من و عن عمل کیا جائے۔

ہندوستھان سماچار

---------------

ہندوستان سماچار / محمد اصغر