کولکاتہ، 3 جون (ہس): ۔

سریندر ناتھ کالج میں دو تھیلوں سے دیمک زدہ نقدی کی بڑی رقم برآمد ہونے کے بعد اب کالج کیمپس سے ایک آتشیں اسلحہ برآمد ہوا ہے۔ پولیس ذرائع کے مطابق اسلحہ کالج کے یونین روم سے برآمد ہوا ہے۔

ترنمول کانگریس کے دو لیڈروں دیباشیش بنرجی اور پریتوش دت کے خلاف مچی پارہ پولیس اسٹیشن میں آرمس ایکٹ کے تحت مقدمہ درج کیا گیا ہے۔

پولیس نے بدھ کو کہا کہ اس بات کی تحقیقات کی جا رہی ہے کہ یہ ہتھیار یونین روم تک کیسے پہنچا اور اسے وہاں کیوں رکھا گیا۔ معاملے میں دونوں رہنماو¿ں سے پوچھ گچھ کی جائے گی۔

پولیس ذرائع کے مطابق دیباشیش بنرجی کالج کی گورننگ باڈی کے سابق رکن تھے۔ الزام ہے کہ دیباشیش اور پریتوش دت نے کالج کی پہلی منزل پر کئی کمروں کو تالا لگا دیا، جس میں یونین روم بھی شامل ہے، اور کسی کو جانے سے روک دیا تھا۔ بتایا جاتا ہے کہ دونوں رہنماو¿ں نے ان کمروں کو اپنے ذاتی مقاصد کے لیے استعمال کیا۔

منگل کی شام تقریباً 4:30 بجے کالج انتظامیہ نے پہلی منزل پر ایک کمرہ کھولا جہاں سے دو ٹرالی بیگز سے نقدی برآمد ہوئی۔ اس رات بعد میں، کالج کے پرنسپل اور طالب علموں نے یونین روم میں ایک آتشیں اسلحہ دریافت کیا۔ جس کے بعد ترنمول کے دونوں لیڈروں کے خلاف آرمس ایکٹ کے تحت مقدمہ درج کیا گیا تھا۔

کالج کے پرنسپل نے الزام لگایا ہے کہ جب بھی وہ پہلی منزل کے کمروں کی چابیاں مانگتے تھے تو دونوں رہنما انہیں دھمکیاں دیتے تھے۔ پولیس معاملے کی تحقیقات کر رہی ہے۔

ہندوستھان سماچار

ہندوستان سماچار / عطاءاللہ