ایل جی نے ڈوڈہ اور کشتواڑ اضلاع میں سیلاب کے بعد کی صورتحال کا جائزہ لیا

جموں، 03 جون (ہ س)۔ جموں و کشمیر کے لیفٹیننٹ گورنر منوج سنہا نے کشتواڑ اور ڈوڈہ اضلاع میں شدید بارش کے باعث پیدا ہونے والی فلیش فلڈ کی صورتحال کا جائزہ لیا اور دونوں اضلاع کے ڈپٹی کمشنروں سے تفصیلی بات چیت کی۔ منوج سنہا نے کہا کہ خوش قسمتی سے اب تک کسی جانی یا مالی نقصان کی اطلاع موصول نہیں ہوئی ہے۔

انہوں نے ضلع انتظامیہ کو ہدایت دی کہ متاثرہ علاقوں میں سڑکوں، شاہراہوں اور پانی کی سپلائی لائنوں کی بحالی کا کام فوری طور پر تیز کیا جائے تاکہ عوام کو درپیش مشکلات کم کی جا سکیں۔ لیفٹیننٹ گورنر نے ڈوڈہ ضلع میں آسمانی بجلی گرنے کے واقعے میں جان بحق ہونے والی خاتون پنکی دیوی کے اہل خانہ سے دلی تعزیت کا اظہار کیا۔

انہوں نے ڈپٹی کمشنر ڈوڈہ کو ہدایت دی کہ متاثرہ خاندان کو فوری امداد فراہم کی جائے اور ہر ممکن تعاون یقینی بنایا جائے۔انتظامیہ کے مطابق متعلقہ محکمے صورتحال پر مسلسل نظر رکھے ہوئے ہیں اور عوامی سہولیات کی بحالی کے لیے ضروری اقدامات جاری ہیں۔

ہندوستھان سماچار

--------------

ہندوستان سماچار / محمد اصغر