کولکاتہ، 28 جون (ہ س) ۔

ترنمول کانگریس کے کالی گھاٹ گروپ نے پارٹی کے نام اور انتخابی نشان کے مبینہ غیر قانونی استعمال کا الزام لگاتے ہوئے ریتبرت بنرجی کے گروپ کے خلاف کالی گھاٹ اور نیو ٹاو¿ن پولیس اسٹیشنوں میں شکایت درج کرائی ہے پارٹی کی جانب سے ترنمول ایم پی ڈولا سین نے شکایت درج کرائی۔

شکایت میں رتبرت بنرجی کے علاوہ اروپ رائے، جاوید خان، سندیپن ساہا، اور بپلب مترا کا نام بھی ہے۔ ان کا الزام ہے کہ یہگروپ پارٹی کارکنوں کو گمراہ کرنے کے لیے غیر قانونی طور پر ترنمول کانگریس کے نام اور انتخابی نشان کا استعمال کر رہا ہے۔

ان الزامات کا جواب دیتے ہوئے رتبرت بنرجی نے اتوار کو کہا کہ کوئی بھی شکایت درج کرا سکتا ہے۔ ملک میں قانون اور الیکشن کمیشن ہیں، اس لیے عوام ان پر اعتماد کریں۔

یہ تنازعہ 22 جون کو نیو ٹاو¿ن کے ایک ہوٹل میں رتبرت گروپ کی طرف سے منعقدہ ترنمول کانگریس کے خصوصی کنونشن کے بعد ابھرا۔ میٹنگ میں کئی ایم ایل اے اور سابق ایم ایل ایز نے شرکت کی۔ میٹنگ کے دوران نیشنل ایگزیکٹیو کمیٹی کی تشکیل کا دعویٰ کیا گیا لیکن ممتا بنرجی اور ابھیشیک بنرجی کو شامل نہیں کیا گیا۔

ممتا بنرجی کی زیرقیادت ترنمول کانگریس کے دھڑے نے خدشہ ظاہر کیا ہے کہ اس سرگرمی کے پیچھے دیگر افراد بھی ہو سکتے ہیں۔ پارٹی نے نیو ٹاو¿ن تھانہ انچارج کو خط لکھ کر معاملے کی تحقیقات اور ملوث افراد کی نشاندہی کرنے کا مطالبہ کیا ہے۔

پارٹی نے یہ بھی سوال کیا کہ رتبرت بنرجی نے اسمبلی اسپیکر رتیندربسو کو لکھے گئے خط میں خود کو پارٹی کا جنرل سکریٹری کیوں بتایا، جب کہ ترنمول کانگریس کا دعویٰ ہے کہ انہیں اس عہدے پر کبھی سرکاری طور پر مقرر نہیں کیا گیا تھا۔

کالی گھاٹ پولیس اسٹیشن میں درج کرائی گئی دوسری شکایت میں، ڈولا سین نے الزام لگایا کہ جاوید خان اور سندیپن ساہا نے پارٹی کے جنرل سکریٹری ہونے کا دعویٰ کرتے ہوئے ہفتہ کو کولکاتہ میں ترنمول کے تمام کونسلروں کی میٹنگ بلائی تھی۔ شکایت میں کہا گیا ہے کہ یہ دھڑا ایک متوازی تنظیم چلا کر پارٹی کارکنوں اور حامیوں میں الجھن پیدا کرنے کی کوشش کر رہا ہے۔

شکایت میں یہ بھی الزام لگایا گیا ہے کہ رتبرت دھڑے کی سرگرمیاں پارٹی کی شبیہ کو نقصان پہنچا رہی ہیں اور پارٹی کے نام اور انتخابی نشان کا غیر قانونی استعمال کیا جا رہا ہے۔ پولیس سے اس بات کی بھی تحقیقات کرنے کو کہا گیا ہے کہ پارٹی کے نام پر جاری کیے گئے نوٹس کون تیار کر رہا ہے، انتخابی مہم کے مواد کے لیے فنڈز کہاں سے آ رہے ہیں، اور باغی دھڑے کے پیغامات کو پھیلانے کے لیے کن اکاو¿نٹس کا استعمال کیا جا رہا ہے۔

ڈولا سین نے ایف آئی آر درج کرنے اور منصفانہ اور مکمل تحقیقات کرانے کا مطالبہ کیا ہے۔

ہندوستھان سماچار

ہندوستان سماچار / عطاءاللہ