سورت، 28 جون (ہ س)۔

گجرات کے سورت میں بڑے پیمانے پر شجر کاری مہم کے تحت اتوار کو مرکزی جل شکتی وزیر سی آر پاٹل نے 25,000 پودے لگانے کی مہم کا آغاز کیا۔

اس بڑے پیمانے پردرخت لگانے کی مہم کے تحت، مرکزی وزیر پاٹل نے ایک درخت لگایا اور ایک یادگاری تختی کی نقاب کشائی کی۔ شیاما پرساد مکھرجی آکسیجن پارک' سورت میونسپل کارپوریشن کے جنوبی-A زون میں ٹی پی ایس نمبر 54 ایف پی نمبر 67 میں تیار کیا جا رہا ہے۔

صبح 8 بجے کی تقریب میں 40 سے زائد مقامی اقسام کے 25,000 پودے لگائے گئے جن میں نیم، پیپل، بورسالی، شہتوت، امرود، آملہ، کسٹرڈ ایپل اور ڈرم اسٹک شامل ہیں۔ اس کے علاوہ شہریوں میں مختلف انواع کے 5 ہزار پودے مفت تقسیم کیے گئے۔

پروگرام کے دوران تمام موجود شہریوں کو درخت لگانے اور پودوں کے تحفظ کا حلف دلایا گیا۔ نیچر کلب سورت، گرین آرمی چیریٹیبل ٹرسٹ، سورت فاریسٹ فاو¿نڈیشن سمیت کئی رضاکار تنظیموں نے اس مہم میں بڑھ چڑھ کر حصہ لیا۔ مختلف اسکولوں کے طلباء اور پولیس اہلکاروں نے ماحولیات کے تحفظ کے بارے میں بیداری پیدا کرنے کے لیے جوش و جذبے سے درخت بھی لگائے۔

پروگرام کی صدارت سورت کی میئر مایا بین موانی نے کی۔ سورت سٹی بی جے پی کے سربراہ پریش پٹیل، ایم ایل اے سنگیتا بہن پاٹل، منو بھائی پٹیل، پروین بھائی گھوگھری، کانگریس صدر راجن بھائی پٹیل، ڈپٹی میئر سدھاکر چودھری، حکمراں پارٹی لیڈر الپ بین مہتا، مجسٹریٹ ارمیلا بین ترپاٹھی، کارپوریٹرس اور میونسپل کارپوریشن کے افسران اور ملازمین موجود تھے۔

ہندوستھان سماچار

ہندوستان سماچار / عطاءاللہ