ٹی ای ٹی پرچہ لیک محنت کش امیدواروں کے مستقبل کا کھلا قتل ہے : وجئے وڈیٹیوارممبئی، 27 جون (ہ س)۔ کانگریس کے سینئر رہنما وجئے وڈیٹیوار نے مہاراشٹر ٹیچر اہلیت امتحان (ٹی ای ٹی) کے مبینہ پرچہ لیک معاملے پر ریاستی حکومت کو سخت تنقید کا نشانہ بناتے ہوئے کہا ہے کہ مہاراشٹر میں آخر کیا ہو رہا ہے؟ ٹی ای ٹی کا پرچہ تھانے میں لیک ہو جاتا ہے اور نیٹ پرچہ لیک کے سرے بھی ریاست سے ہی جڑتے ہیں۔ انہوں نے کہا کہ امتحان کوئی بھی ہو، پرچہ لیک ہونا اس حکومت کی پہچان بن چکا ہے، اور دن رات محنت کرکے امتحان کی تیاری کرنے والے محنت کش امیدواروں کے مستقبل کا یہ کھلا قتل ہے۔وجئے وڈیٹیوار نے کہا کہ اس بے بس حکومت سے ایک امتحان بھی محفوظ طریقے سے منعقد نہیں کرایا جا رہا، جس سے اس کی مکمل ناکامی ظاہر ہوتی ہے۔ انہوں نے الزام لگایا کہ اقتدار میں بیٹھے لوگوں کو صرف اپنی کرسیاں بچانے کی فکر ہے، جبکہ مہاراشٹر کے لاکھوں امیدواروں اور ان کے والدین کی تکلیف سے انہیں کوئی سروکار نہیں۔ ان کے مطابق یہ حکومت کی کھلی ناکامی ہے۔انہوں نے کہا کہ اگر حکومت میں ذرا سی بھی شرم باقی ہے تو اسے فوری طور پر ایسے واقعات کا مستقل حل نکالنا چاہیے۔ انہوں نے مزید کہا کہ امیدواروں کی محنت کا بازار لگانے والوں کو اقتدار میں رہنے کا کوئی اخلاقی حق نہیں ہے اور نوجوانوں کے مستقبل سے کھیلنے والوں کو عوام ضرور سبق سکھائیں گے۔ہندوستھان سماچار--------------------

ہندوستان سماچار / جاوید این اے