سان فرانسسکو، 23 جون (ہ س)۔ فیفا ورلڈ کپ 2026 کے گروپ جے میچ میں منگل کوالجیریانے شاندار واپسی کرتے ہوئے اردن کو 1-2 سے شکست دی اور ناک آوٹ مرحلے تک پہنچنے کی اپنی امیدیں زندہ رکھیں، جبکہ اردن کا ٹورنامنٹ کا سفر یہیں ختم ہوا۔

میچ کے آغاز سے ہی الجیریا نے گیند پر کنٹرول برقرار رکھا اور بار بار حملے کیے لیکن اردن کے مضبوط دفاع نے انہیں زیادہ دیر تک کامیابی حاصل کرنے سے روکے رکھا۔ دوسری جانب اردن نے موقع سے فائدہ اٹھایا اور 36ویں منٹ میں برتری حاصل کر لی۔ نزار الرشدان نے الجیریاکی دفاعی غلطی کے بعد تیز حملے کو نیچے کارنر میں شاندار شاٹ لگا کر گول میں تبدیل کر دیا۔

پہلے ہاف میں 0-1 سے پیچھے رہنے کے بعد الجیریا نے دوسرے ہاف میں دباو بڑھایا اور 69ویں منٹ میں واپسی کا آغاز کیا۔ متبادل کھلاڑی نادر بینبوعالی نے ریاض مہریز کے کارنر پر شاندار ہیڈر کے ذریعے اسے 1-1 سے برابر کردیا۔

اس کے بعدالجیریا نے دباو برقرار رکھا اور 82ویں منٹ میں فیصلہ کن گول دوسرے کونے سے آیا۔ باکس میں افراتفری کے درمیان امین گوئری نے گیند کو قریب سے اندر کر کے الجیریا کو 1-2 کی برتری دلائی۔

اردن نے آخری منٹوں میں برابری کی کوشش کی لیکن الجیریا نے اپنی برتری برقرار رکھی اور اہم جیت حاصل کی۔ اس شکست کے ساتھ ہی اردن ورلڈ کپ کی اپنی پہلی مہم سے باہر ہو گیا جبکہ الجیریانے فائنل راونڈ کی دوڑ میں خود کو برقرار رکھا اور پوائنٹس ٹیبل میں اپنی پوزیشن مضبوط کر لی۔

یہ ورلڈ کپ کی تاریخ میں پہلا موقع ہے کہ الجیریانے میچ جیتنے کے لیے پچھڑنے کے بعد واپسی کی ہے۔ اس سے قبل ورلڈ کپ میں ان کا ریکارڈ مایوس کن رہا تھا۔

اس کے ساتھ ہی الجیریا نے ایشیائی ٹیموں کے خلاف ورلڈ کپ میں اپنا شاندار ریکارڈ بھی برقرار رکھا اور اب تک ایسے دونوں میچ جیت لیے ہیں۔

نادر بینبوعالی ورلڈ کپ میں متبادل کے طور پر گول کرنے والے الجیریا کے دوسرے کھلاڑی بن گئے، جبکہ ریاض مہریز ورلڈ کپ میں گول کرنے میں سب سے معمر الجیریا کھلاڑی بن گئے۔

---------------

ہندوستان سماچار / عبدالسلام صدیقی