جموں, 23 جون (ہ س)۔ سالانہ امرناتھ یاترا کی تیاریوں کے سلسلے میں منگل کو جموں کے بھگوتی نگر واقع یاتری نواس (بیس کیمپ) میں ایک موک ڈرل کا انعقاد کیا گیا، جس کا مقصد یاترا کے دوران کسی بھی ہنگامی صورتحال سے نمٹنے کے لیے انتظامات کا جائزہ لینا تھا۔موک ڈرل کے دوران سیکورٹی، ڈیزاسٹر مینجمنٹ اور دیگر متعلقہ محکموں نے مشترکہ طور پر راحت اور بچاؤ کارروائیوں کا عملی مظاہرہ کیا۔ اس موقع پر ہنگامی حالات میں فوری ردعمل، انخلاء، طبی امداد اور دیگر حفاظتی اقدامات کی تیاریوں کا بھی معائنہ کیا گیا۔حکام کے مطابق اس مشق کا مقصد امرناتھ یاترا کے دوران یاتریوں کی سلامتی اور سہولیات کو یقینی بنانا ہے، جبکہ تمام متعلقہ ایجنسیاں باہمی تال میل کے ساتھ یاترا کے پرامن اور محفوظ انعقاد کے لیے مکمل طور پر تیار ہیں۔

ہندوستھان سماچار

---------------

ہندوستان سماچار / محمد اصغر