علی گڑھ, 23 جون (ہ س)۔

ضلع علی گڑھ کے تھانہ اگلاس علاقے کے ایک گاؤں میں 17 سالہ نابالغ لڑکے نے اپنے گاوں کی ایک خاتون پر طویل عرصے سے استحصال کرنے کا الزام عائد کیا ہے۔ شکایت موصول ہونے کے بعد پولیس نے معاملے کی تحقیقات شروع کر دی ہیں اور خاتون کو حراست میں لے لیا ہے۔

پولیس کو دی گئی شکایت میں نابالغ نے الزام لگایا ہے کہ تقریباً 40 سالہ خاتون گزشتہ ڈھائی سال سے اسے مختلف طریقوں سے خوفزدہ کرکے ناجائز تعلقات قائم کرنے پر مجبور کرتی رہی۔ لڑکے کا کہنا ہے کہ خاتون کی جانب سے مبینہ طور پر اسے جھوٹے مقدمات میں پھنسانے اور قانونی کارروائی کی دھمکیاں دی جاتی تھیں۔

متاثرہ لڑکے کے مطابق حالیہ دنوں میں خاتون اس پر شادی کے لیے دباؤ ڈال رہی تھی، جس کے بعد اس نے اپنے اہل خانہ کو پوری صورت حال سے آگاہ کیا۔ اہل خانہ کی شکایت پر پولیس حرکت میں آئی اور قانونی کارروائی شروع کی گئی۔

پولیس نے نابالغ کو طبی معائنے کے لیے اسپتال بھیج دیا ہے، جبکہ خاتون سے پوچھ گچھ کی جا رہی ہے۔ پولیس حکام کا کہنا ہے کہ معاملے کے تمام پہلوؤں کی باریک بینی سے جانچ کی جا رہی ہے اور تحقیقات کی رپورٹ کی بنیاد پر آئندہ کارروائی عمل میں لائی جائے گی۔

---------------

ہندوستان سماچار / سید کامران علی گڑھ