جموں, 22 جون (ہ س) جموں بخشی نگر پولیس نے منشیات کے خلاف مہم کے دوران گزشتہ 48 گھنٹوں میں دو الگ الگ کارروائیاں انجام دیتے ہوئے دو مبینہ منشیات فروشوں کو گرفتار کر لیا۔ پولیس نے دونوں ملزمان کے قبضے سے مجموعی طور پر چار گرام ہیروئن نما مادہ برآمد کیا ہے۔پہلی کارروائی میں پولیس نے ریشم گڑھ کے رہائشی شبھم سینی کو گرفتار کر کے اس کے قبضے سے دو گرام ہیروئن نما مادہ برآمد کیا، جس کے بعد پولیس اسٹیشن بخشی نگر میں ایف آئی آر نمبر 78/2026 درج کی گئی۔ دوسری کارروائی میں پی ایس آئی کمار سکشم کی قیادت میں پولیس ٹیم نے وکاس منی کو گرفتار کیا اور اس کے قبضے سے بھی دو گرام ہیروئن نما مادہ برآمد ہوئی۔ اس سلسلے میں ایف آئی آر نمبر 80/2026 درج کر کے تحقیقات شروع کر دی گئی ہیں۔پولیس حکام کا کہنا ہے کہ منشیات کے نیٹ ورک کو ختم کرنے کے لیے گشت، انٹیلی جنس جمع کرنے اور الیکٹرانک نگرانی میں مزید اضافہ کیا گیا ہے۔ عوام سے بھی اپیل کی گئی ہے کہ وہ منشیات سے متعلق کسی بھی مشتبہ سرگرمی کی اطلاع دے کر پولیس کے ساتھ تعاون کریں۔

ہندوستھان سماچار

---------------

ہندوستان سماچار / محمد اصغر