بھونیشور، 22 جون (ہ س)۔

بیجو جنتا دل (بی جے ڈی) کو راجیہ سبھا انتخابات میں مبینہ کراس ووٹنگ پر بڑا سیاسی جھٹکا لگا ہے۔ اوڈیشہ اسمبلی کے اسپیکر سورما پاڑھی نے پارٹی کی درخواست کو خارج کر دیا ہے جس میں آٹھ ایم ایل ایز کو نااہل قرار دینے کی مانگ کی گئی تھی۔ 19 جون کو اوڈیشہ اسمبلی سکریٹریٹ کی طرف سے جاری کردہ ایک سرکاری نوٹیفکیشن کے مطابق، بی جے ڈی چیف وہپ پرمیلا ملک نے 25 اپریل کو آٹھ ایم ایل ایز کے خلاف نااہلی کی درخواست دائر کی۔ پارٹی نے الزام لگایا کہ ان ایم ایل اے نے مارچ میں ہونے والے راجیہ سبھا انتخابات کے دوران پارٹی وہپ کی خلاف ورزی کی اور کراس ووٹ کیا۔

عرضی میں جن ایم ایل ایز کا نام لیا گیا ہے ان میں دیوی رنجن ترپاٹھی، سووک بسوال، رماکانت بھوئی، نو ملک، سبھاسنی جینا، چکرمانی کنہار، اروند مہاپاترا اور سناتن مہاکوڑ شامل ہیں۔

بی جے ڈی نے اسمبلی کے اسپیکر سے ان ایم ایل اے کو ایوان سے نااہل قرار دینے کی درخواست کی تھی اور ان کے خلاف دل بدل قانون کے تحت کارروائی کی درخواست کی تھی۔ تاہم، معاملے کی چھان بین اور قانونی پہلوو¿ں پر غور کرنے کے بعد، اسپیکر نے تمام آٹھ ایم ایل ایز کو اپنی رکنیت برقرار رکھنے کی اجازت دیتے ہوئے درخواست کو خارج کردیا۔

اپنے حکم میں، اسپیکر نے کہا کہ درخواست مبہم اور غیر مصدقہ تھی اور اس میں کیس کی میرٹ پر سماعت کے لیے ضروری حقائق اور قانونی بنیادوں کی کمی تھی۔

حکم نامے میں کہا گیا کہ درخواست قانونی تقاضوں کو پورا نہیں کرتی اور اس میں سنگین خامیاں ہیں۔ اس لیے اس پر غور نہیں کیا جا سکا۔

ہندوستھان سماچار

ہندوستان سماچار / عطاءاللہ