نئی دہلی، 22 جون (ہ س)۔

اترا کھنڈ کے رودر پریاگ میں حال ہی میں نہنگ سکھوں اور مقامی باشندوں کے درمیان ہوئی جھڑپ کے معاملے کو لے کر شرومنی اکالی دل (دہلی یونٹ ) کا ایک اعلیٰ سطحی وفد نے پیر کو اترا کھنڈ بھون میں اتراکھنڈ کے ریزیڈنٹ کمشنر سے اتراکھنڈ بھون میں ملاقات کی۔

پارٹی صدر پرمجیت سنگھ سرنا کی قیادت میں وفد نے ریذیڈنٹ کمشنر کو ایک سرکاری میمورنڈم پیش کیا۔ وفد نے ریزیڈنٹ کمشنر کو اپنے تحفظات سے آگاہ کیا اور اس معاملے پر متوازن اور غیر جانبدارانہ جواب دینے کا مطالبہ کیا۔

پرمجیت سنگھ سرنا نے میڈیا کو بتایا، ہم نے اپنا میمورنڈم ریزیڈنٹ کمشنر کو پیش کیا ہے، انہوں نے ہمیں یقین دلایا ہے کہ میمورنڈم میں اٹھائے گئے تمام نکات اور مطالبات کو سنجیدگی سے حل کیا جائے گا۔ ہم نے یہ بھی درخواست کی ہے کہ جب اتراکھنڈ کے وزیر اعلیٰ دہلی جائیں گے تو اس وفد کے ساتھ ایک باضابطہ ملاقات کا اہتمام کیا جائے۔ ریزیڈنٹ کمشنر نے اس درخواست کو قبول کر لیا ہے اور اس سے اتفاق کیا ہے۔

شرومنی اکالی دل کے رہنما منجیت سنگھ جی کے نے کہا، ہم نے وہاں لے جانے والے وفد کو بتایا کہ جھڑپ مقامی باشندوں نے شروع کی تھی۔ یہ ہمارے نہنگوں نے نہیں شروع کی تھی۔ ہمارے نہنگوں کو تھرڈ ڈگری ٹارچر کا نشانہ بنایا گیا۔ انہیں بغیر پگڑیوں کے عدالت میں پیش کیا گیا ۔

ہندوستھان سماچار

ہندوستان سماچار / عطاءاللہ