علی گڑھ, 22 جون (ہ س)۔

گاندھی پارک میں خراب اور ٹوٹی ہوئی اوپن جم مشینوں کو میونسپل کارپوریشن درست کرائے گا ۔ میونسپل کارپوریشن نے اوپن جم کی تمام مشینوں کا سروے مکمل کر لیا ہے۔ نگم کا دعویٰ ہے کہ اسی ماہ کے اندر تمام آلات کی مرمت کر دی جائے گی۔

گاندھی پارک کی خوبصورتی میں اضافہ اور تزئین و آرائش کے بعد اسے کچھ دن پہلے ہی عوام کے لیے کھولا گیا تھا۔ میونسپل کارپوریشن نے اس منصوبے پر چار کروڑ روپے خرچ کیے ہیں۔ پارک کھلنے کے چند دن بعد ہی جم کی ایک مشین کا ہینڈل ٹوٹ گیا تھا، جس کی ویڈیو سوشل میڈیا پر وائرل ہوئی تھی۔ میونسپل کارپوریشن نے بعد میں اس کی مرمت کرا دی تھی۔ سروے رپورٹ میں بتایا گیا ہے کہ یہاں لگی سبھی مشینیں پرانی ہیں۔ ان کی مرمت کی ذمہ داری پارک کی تزئین و آرائش کرنے والے ٹھیکیدار کی نہیں تھی۔

میونسپل کارپوریشن مشینوں کو زیادہ مضبوط بنانے کے لیے ان پر ڈبل ویلڈنگ کرائے گا۔ ہر مشین کی مرمت کے بعد فٹنس سرٹیفکیٹ حاصل کرکے اسے دوبارہ استعمال کے لیے کھولا جائے گا۔ جون کے آخری ہفتے تک اوپن جم کے تمام آلات کے قریب احتیاطی ہدایات بھی درج کی جا رہی ہیں ،یہاں گارڈ تعینات کیے گئے ہیں جو لوگوں کو مشینوں کے محفوظ اور مناسب استعمال کے متعلق آگاہ کر رہے ہیں۔

---------------

ہندوستان سماچار / سید کامران علی گڑھ