سرینگر، 21 جون (ہ س)۔ کھنموہ سیمنٹ فیکٹری واقعہ میں شدید جھلسنے والے ایک مزدور نے سرینگر کے ایس ایم ایچ ایس اسپتال میں تین دن تک زندگی کی جنگ لڑنے کے بعد زخموں کی تاب نہ لاتے ہوئے دم توڑ دیا۔ ایک اہلکار نے بتایا کہ مزدور، جو جمعرات کی شام کے واقعے میں شدید جھلس گیا تھا، اتوار کی صبح اسپتال میں دم توڑ گیا۔قابل ذکر بات یہ ہے کہ 18 جون کو سیمنٹ فیکٹری کے اندر نصب ایک مشین میں مبینہ طور پر خرابی پیدا ہونے اور مشین کا ایک حصہ پھٹ جانے سے سات مزدور جھلس کر زخمی ہو گئے تھے۔ تمام زخمی مزدوروں کو علاج کے لیے اسپتال منتقل کیا گیا جہاں شدید زخمی مزدوروں میں سے ایک آج صبح زخموں کی تاب نہ لاتے ہوئے چل بسا۔متوفی کی شناخت فیاض احمد بٹ (40) ولد عبدالاحد بٹ ساکن ارین، بانڈی پورہ کے طور پر کی گئی ہے۔دریں اثنا، پولیس نے معاملے کا نوٹس لیتے ہوئے مزید تفتیش شروع کر دی ہے۔ ہندوستھان سماچار

ہندوستان سماچار / Aftab Ahmad Mir