نئی دہلی، 21 جون (ہ س)۔ بھارتی کرکٹ کنٹرول بورڈ(بی سی سی آئی) نے اتوار کو انگلینڈ کے خلاف تین ایک روزہ میچوں کی سیریز کے لیے ہندوستانی ٹیم کا اعلان کر دیا۔ اسٹار بلے باز وراٹ کوہلی کی 15 رکنی ٹیم میں واپسی ہوئی ہے۔ تاہم وہ فٹنس ٹیسٹ پاس کرنے کی صورت میں ہی سیریز میں حصہ لینے کے اہل ہوں گے۔

کوہلی کو انڈین پریمیئر لیگ (آئی پی ایل) 2026 کے فائنل میں ہیمسٹرنگ انجری کا سامنا کرنا پڑا جس کی وجہ سے وہ افغانستان کے خلاف ون ڈے سیریز سے باہر ہو گئے۔ فاسٹ بولر جسپریت بمراہ کی بھی ون ڈے ٹیم میں واپسی ہوئی ہے۔ بمراہ نے آخری بار 2023 ورلڈ کپ فائنل میں ہندوستان کے لیے 50 اوور کی کرکٹ کھیلی تھی۔ آل راو¿نڈر اکشر پٹیل کو بھی ون ڈے سکواڈ میں شامل کیا گیا ہے۔ اکسر افغانستان کے خلاف ون ڈے سیریز میں ٹیم کا حصہ نہیں تھے۔ افغانستان کے خلاف تیسرے ون ڈے میں سنچری بنانے والے یشسوی جیسوال کو اس سیریز میں شامل نہیں کیا گیا ہے۔ یشسوی نے چنئی میں افغانستان کے خلاف ناقابل شکست 110 رنز بنائے۔ انہیں کوہلی کے زخمی ہونے کے بعد ہی افغانستان کے خلاف ون ڈے سیریز کے لیے منتخب کیا گیا تھا۔ اب انگلینڈ کے خلاف کوہلی کی واپسی سے وہ اپنی جگہ کھو چکے ہیں۔

ہندوستانی ٹیم: شبھمن گل (کپتان)، روہت شرما، وراٹ کوہلی (فٹنس کلیئرنس سے مشروط)، شریس ایئر (نائب کپتان)، کے ایل راہل (وکٹ کیپر)، ایشان کشن (وکٹ کیپر)، واشنگٹن سندر، اکسر پٹیل، نتیش کمار ریڈی، کلدیپ یادو،جسپریت بمراہ، پرسدھ کرشنا، ہرشت رانا، ارشدیپ سنگھ، گورنوربرار

ہندوستانی ٹیم دورہ انگلینڈ کے دوران پانچ ٹی 20 اور تین ون ڈے میچ کھیلے گی۔ ٹی20 ٹیم کا اعلان پہلے ہی کر دیا گیا ہے۔ ٹی 20 سیریز کا آغاز یکم جولائی سے ہوگا جس کے بعد ون ڈے سیریز 14 جولائی سے شروع ہوگی۔ بی سی سی آئی نے یہ بھی اعلان کیا کہ اسپنر ورون چکرورتی کو آئرلینڈ کے خلاف ٹی 20 سیریز سے باہر کردیا گیا ہے۔ چکرورتی فی الحال آئی پی ایل 2026 کے دوران بائیں ٹانگ کی چوٹ میں مبتلا ہونے کے بعد بی سی سی آئی سینٹر آف ایکسی لینس میں اپنی بحالی کے آخری مراحل میں ہیں۔

آئرلینڈ کے خلاف ٹی 20 سیریز کے لیے ہندوستانی ٹیم: شریس ایئر (کپتان)، ابھیشیک شرما، سنجو سیمسن (وکٹ کیپر)، ایشان کشن (وکٹ کیپر)، شیوم دوبے، تلک ورما (نائب کپتان)، نتیش کمار ریڈی، اکسر پٹیل، واشنگٹن سندر، روی بشنوئی،ہرشت رانا،ارشدیپ سنگھ، پرنس یادو، ویبھو سوریہ ونشی ، پرسدھ کرشنا

ہندوستھان سماچار

ہندوستان سماچار / Mohammad Khan