نئی دہلی، 18 جون (ہ س)۔ مسلسل چار دنوں سے جاری شیئر بازار کی تیزی پر اچانک بریک لگ گیا۔ ہفتے کے چوتھے کاروباری دن جمعرات کو گھریلو شیئر بازار میں صبح نرم شروعات ہوئی۔ امریکہ اور ایران کے درمیان ڈیل اور خام تیل کی قیمت میں گراوٹ کے باوجود گھریلو شیئر بازار میں معمولی گراوٹ آئی۔ لیکن، ابھی سینسیکس اور نفٹی میں تیزی ہے۔

فی الحال، بامبے اسٹاک ایکسچینج (بی ایس ای) کا سینسیکس 82.99 پوائنٹس یعنی 0.11 فیصد کے اضافے کے ساتھ 77,238.61 کی سطح پر کاروبار کر رہا ہے۔ وہیں، نیشنل اسٹاک ایکسچینج (این ایس ای) کا نفٹی 43.85 پوائنٹس یعنی 0.18 فیصد کے اضافے کے ساتھ 24,129.55 کی سطح پر کاروبار کر رہا ہے۔

بازار میں آج اتار چڑھاو بھرے کاروبار کے درمیان سینسیکس ابتدائی کاروبار میں 111.23 پوائنٹس کی گراوٹ کے ساتھ 77,044.39 پوائنٹس پر اور نفٹی 26.85 پوائنٹس کی گراوٹ کے ساتھ 24,058.85 پوائنٹس پر پہنچ گیا تھا۔ وہیں، روپیہ ابتدائی کاروبار میں 21 پیسے کی گراوٹ کے ساتھ امریکی ڈالر کے مقابلے 94.71 پر ہے۔

قابل ذکر ہے کہ ایک دن پہلے بدھ کو سینسیکس 347 پوائنٹس کی تیزی کے ساتھ 77,156 کی سطح پر بند ہوا تھا۔ وہیں، نفٹی بھی 97 پوائنٹس کے اضافے کے ساتھ 24,086 پر بند ہوا تھا۔

ہندوستھان سماچار

---------------

ہندوستان سماچار / انظر حسن