برمنگھم، 16 جون (ہ س)۔ انٹرنیشنل کرکٹ کونسل (آئی سی سی) نے ویمنز ٹی20 ورلڈ کپ میں بھارت کے خلاف کھیلے گئے میچ کے دوران مقررہ وقت میں اوورز مکمل نہ کرنے پر پاکستانی ٹیم پر جرمانہ عائد کیا ہے۔آئی سی سی نے پاکستان اور بھارت کے درمیان گروپ اے کے میچ میں سلو اوور ریٹ برقرار رکھنے پر پاکستانی کھلاڑیوں کی میچ فیس میں سے پانچ فیصد کٹوتی کرنے کا فیصلہ کیا ہے۔ ایمریٹس آئی سی سی انٹرنیشنل میچ ریفری پینل کے رکن ٹرڈی اینڈرسن نے یہ پابندی عائد کی۔ ہر وقت کے الاو¿نس کو مدنظر رکھتے ہوئے پاکستان ہدف سے ایک اوور کم پایا۔

آئی سی سی کے ضابطہ اخلاق کے آرٹیکل 2.22 کے مطابق پلیئرز اور پلیئر سپورٹ پرسنل کے ہر اوور پر کم از کم اوور ریٹ ریگولیشن میں باو¿لنگ کرنے میں ناکام رہنے پر کھلاڑیوں پر میچ فیس کا پانچ فیصد جرمانہ عائد کیا جاتا ہے۔پاکستان کی کپتان فاطمہ ثناءنے اپنی غلطی تسلیم کرتے ہوئے مجوزہ منظوری کو قبول کرتے ہوئے باقاعدہ سماعت کی ضرورت ختم کردی۔

یہ الزام آن فیلڈ امپائرز کلیئر پولوساک اور جیکولین ولیمز، تھرڈ امپائر ایلوس شیریڈن اور چوتھے امپائر سو ریڈفرن نے لگایا۔

ہندوستھان سماچار

ہندوستان سماچار / Mohammad Khan