پربھاس کی بلاک بسٹر کلکی 2898 اے ڈی کے سیکوئل کے لیے جوش و خروش بڑھتا ہی جا رہا ہے۔ حیدرآباد میں شوٹنگ کا آغاز ہوچکا ہے اور اب ایک نئی خبر نے سوشل میڈیا پر ہلچل مچا دی ہے۔ رپورٹس کے مطابق اداکارہ عالیہ بھٹ ’کلکی 2‘ کا حصہ بن سکتی ہیں۔ اگرچہ پروڈیوسرز کی جانب سے کوئی باضابطہ اعلان نہیں کیا گیا ہے لیکن رپورٹس میں دعویٰ کیا گیا ہے کہ عالیہ اس فلم میں اہم کردار ادا کریں گی۔
عالیہ بھٹ مبینہ طور پر فلم کے دوسرے شیڈول میں حصہ لے رہی ہیں، جس نے حیدرآباد میں تقریباً پانچ دن کی شوٹنگ مکمل کی ہے۔ رپورٹس کے مطابق اس کا کردار کہانی میں اہمہو گا۔ یہ بھی واضح کیا گیا ہے کہ وہ دیپیکا پدوکون کے مقبول کردار ’سمتی‘ کی جگہ نہیں لیں گی۔ یہ افواہ ہے کہ دیپیکا کے سیکوئل سے علیحدگی کے بعد اس کردار کے لیے اداکارہ سائی پلوی کا نام تجویز کیا گیا ہے، حالانکہ اس کی بھی معتبر ذرائع سے تصدیق ابھی باقی ہے۔
ناگ اشون کی طرف سے ہدایت کردہ، کلکی 2 کو وجینتی موویز کے ذریعہ بڑے پیمانے پر تیار کیا جارہا ہے۔فلم میں پربھاس، امیتابھ بچن اور کمل ہاسن اپنے مشہور کرداروں میں واپس آئیں گے۔ پہلی فلم کی زبردست کامیابی کے بعد، سیکوئل کے لیے ناظرین کی توقعات آسمان کو چھونے لگی ہیں۔ پروڈیوسرز کا مقصد ہے کہ فلم کو دسمبر 2027 تک سینما گھروں میں ریلیز کیا جائے، جبکہ کاسٹ اور کہانی کے حوالے سے نئی اپ ڈیٹس کافی حد تکموضوع بحث بنی ہوئی ہیں۔
---------------
ہندوستان سماچار / عبدالسلام صدیقی
