جموں, 16 جون (ہ س)۔ بی جے پی کے ترجمان زورآور سنگھ جموال نے رامبن میں پارٹی دفتر میں ذرائع ابلاغ کے نمائندوں سے گفتگو کرتے ہوئے وزیرِ اعظم نریندر مودی کی قیادت اور ان کی حکومت کی 12 سالہ کارکردگی کو سراہا۔

انہوں نے کہا کہ آج ہندوستان کی جمہوری تاریخ میں ایک نیا سنہری باب رقم ہوا ہے، کیونکہ وزیرِ اعظم نریندر مودی ملک کے سب سے طویل عرصے تک خدمات انجام دینے والے منتخب وزیرِ اعظم بن گئے ہیں۔ جموال کے مطابق گزشتہ 12 برسوں کے دوران مودی کی مسلسل عوامی خدمت، قومی ترقی کے لیے ان کی غیر معمولی وابستگی اور مضبوط عزم کی عکاسی کرتی ہے۔

زورآور سنگھ جموال نے کہا کہ وزیرِ اعظم کی قیادت میں مرکزی حکومت نے عوامی اعتماد، ترقی اور عوامی فلاح و بہبود کے لیے وقف 12 سال مکمل کیے ہیں۔ انہوں نے کہا کہ عزم سے حقیقت تک کے اس سفر نے ہندوستان کی ترقی، قومی سلامتی، اقتصادی خودمختاری اور عالمی سطح پر ملک کے وقار کو نئی بلندیوں تک پہنچایا ہے۔انہوں نے جموں و کشمیر کو مکمل ریاست کا درجہ بحال کرنے کی حمایت کرتے ہوئے کہا کہ مناسب وقت پر ریاستی درجے کی بحالی عمل میں لائی جائے گی۔

اس موقع پر سابق رکنِ اسمبلی اور ضلع صدر رامبن نیلم کمار لنگے سمیت متعدد پارٹی رہنما بھی موجود تھے۔

ہندوستھان سماچار

---------------

ہندوستان سماچار / محمد اصغر