نئی دہلی، 16 جون (ہ س)۔ پولیس بھرتی امتحان کے دوسرے مرحلے میں شرکت کرنے والے امیدواروں کی سہولت کے لیے ایسٹ سنٹرل ریلوے نے 16 اور 17 جون کو 30 سے زائد امتحانی خصوصی ٹرینیں چلانے کا انتظام کیا ہے۔ریلوے کے مطابق امتحانی مراکز تک امیدواروں کے ہموار سفر کو یقینی بنانے کے لیے مختلف اہم حصوں پر خصوصی ٹرینیں چلائی جا رہی ہیں۔

ریلوے نے بتایا کہ اس سے قبل 14 جون کو ہونے والے پولیس بھرتی امتحان کے دوران امیدواروں کی سہولت کے لیے کل 19 امتحانی اسپیشل ٹرینیں چلائی گئی تھیں، جن میں سے 12 اسپیشل ٹرینیں دانا پور ڈویژن اور 7 اسپیشل ٹرینیں سمستی پور ڈویڑن کے ذریعہ چلائی گئی تھیں۔ایسٹ سنٹرل ریلوے نے امیدواروں سے اپیل کی ہے کہ وہ امتحانی مراکز تک پہنچنے کے لیے ان امتحانی خصوصی ٹرینوں کا زیادہ سے زیادہ فائدہ اٹھائیں۔

ہندوستھان سماچار

ہندوستان سماچار / Mohammad Khan