نئی دہلی، 15 جون (ہ س)۔ امریکہ اور ایران کے درمیان معاہدہ ہونے کی تصدیق کے بعد دنیا کے بیشتر شیئر بازاروں کی طرح آج گھریلو شیئر بازار میں بھی ابتدائی کاروبار کے دوران زبردست تیزی کا رجحان برقرار ہے۔ آج کاروبار کا آغاز بھی مضبوطی کے ساتھ ہوا۔ بازار کھلنے کے بعد منافع وصولی کے سبب سینسیکس اور نفٹی دونوں اشاریوں کی رفتار میں کچھ کمی آئی، لیکن تھوڑی ہی دیر بعد خریداروں نے خریداری کا زور بڑھا دیا۔ خریداری کے سہارے دونوں اشاریوں نے دوبارہ رفتار پکڑ لی۔ پہلے ایک گھنٹے کی ٹریڈنگ کے بعد سینسیکس 1.44 فیصد اور نفٹی 1.35 فیصد کی مضبوطی کے ساتھ کاروبار کر رہے تھے۔

ابتدائی ایک گھنٹے کے کاروبار کے بعد اسٹاک مارکیٹ کے نمایاں شیئروں میں شری رام فنانس، بجاج فنانس، لارسن اینڈ ٹوبرو، انٹرگلوب ایوی ایشن اور ٹائٹن کمپنی کے شیئر 7.75 فیصد سے لے کر 3.95 فیصد تک کی مضبوطی کے ساتھ کاروبار کر رہے تھے۔ دوسری جانب نیسلے، او این جی سی، ٹیک مہندرا، ایس بی آئی لائف انشورنس اور ٹاٹا کنزیومر پروڈکٹس کے شیئر 3.29 فیصد سے لے کر 0.71 فیصد تک کی گراوٹ کے ساتھ کاروبار کرتے نظر آ رہے تھے۔

اب تک کے کاروبار میں اسٹاک مارکیٹ میں 2,999 شیئروں میں سرگرم لین دین ہو رہا تھا۔ ان میں سے 2,518 شیئر منافع میں رہتے ہوئے سبز نشان میں کاروبار کر رہے تھے، جبکہ 481 شیئر خسارے کے ساتھ سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 28 شیئر خریداری کے سہارے سبز نشان میں موجود تھے۔ دوسری جانب دو شیئر فروخت کے دباؤ میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 42 شیئر سبز نشان میں اور آٹھ شیئر سرخ نشان میں کاروبار کرتے دکھائی دے رہے تھے۔

بی ایس ای کا سینسیکس آج 1,197.32 پوائنٹس کی مضبوطی کے ساتھ 76,725.27 پوائنٹس کی سطح پر کھلا۔ کاروبار کے آغاز کے فوراً بعد فروخت کا دباؤ بڑھنے کے سبب یہ اشاریہ 76,524.17 پوائنٹس کی سطح تک آ گیا۔ اس کے بعد خریداروں نے ایک بار پھر خریداری شروع کر دی، جس سے سینسیکس کی رفتار میں دوبارہ تیزی آ گئی۔ خریداری کے سہارے یہ اشاریہ اچھل کر 76,821.07 پوائنٹس تک پہنچ گیا۔ اس کے بعد ایک بار پھر فروخت کا دباؤ بننے کی وجہ سے اس اشاریے کی رفتار میں معمولی کمی درج کی گئی۔ بازار میں مسلسل جاری خرید و فروخت کے درمیان پہلے ایک گھنٹے کی ٹریڈنگ مکمل ہونے پر صبح 10:15 بجے سینسیکس 1,086.51 پوائنٹس کے اضافے کے ساتھ 76,614.46 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے بھی آج 361.95 پوائنٹس کی چھلانگ لگا کر 23,984.85 پوائنٹس کی سطح سے کاروبار کا آغاز کیا۔ بازار کھلتے ہی منافع خوری کے تحت ہونے والی فروخت کے سبب یہ اشاریہ پہلے 15 منٹ میں ہی گر کر 23,927.35 پوائنٹس کی سطح تک آ گیا۔ اس کے بعد خریداروں نے خریداری کا زور بڑھا دیا، جس سے نفٹی کی رفتار میں تیزی آ گئی۔ مسلسل خریداری کے سہارے پہلے آدھے گھنٹے کی ٹریڈنگ میں ہی یہ اشاریہ اچھل کر 24,011.40 پوائنٹس تک پہنچ گیا۔ اس کے بعد ایک بار پھر فروخت شروع ہونے کے سبب اس اشاریے کی رفتار میں معمولی کمی درج کی گئی۔ بازار میں مسلسل جاری خرید و فروخت کے درمیان ابتدائی ایک گھنٹے کی ٹریڈنگ مکمل ہونے پر صبح 10:15 بجے نفٹی 317.80 پوائنٹس کی مضبوطی کے ساتھ 23,940.70 پوائنٹس کی سطح پر کاروبار کر رہا تھا۔

اس سے قبل گزشتہ ہفتے کے آخری کاروباری دن جمعہ کو سینسیکس 1,695.40 پوائنٹس یعنی 2.30 فیصد کی مضبوطی کے ساتھ 75,527.95 پوائنٹس کی سطح پر بند ہوا تھا۔ جبکہ نفٹی 461.30 پوائنٹس یعنی 1.99 فیصد کے اضافے کے ساتھ 23,622.90 پوائنٹس کی سطح پر جمعہ کے کاروبار کا اختتام کرنے میں کامیاب رہا تھا۔

ہندوستھان سماچار

---------------

ہندوستان سماچار / عبدالواحد