نئی دہلی، 15 جون (ہ س)۔ وزیرِ اعظم نریندر مودی نے آج ایک سنسکرت سُبھاشت شیئر کرتے ہوئے اختراع اور صنعت کاری کے میدان میں متنوع خیالات، صلاحیتوں اور تخلیقی نقطۂ نظر کی اہمیت پر روشنی ڈالی۔ انہوں نے کہا کہ ہر شخص کی سوچ اور کام کرنے کا انداز مختلف ہوتا ہے اور یہی تنوع نئے خیالات اور امکانات کو جنم دیتا ہے۔

وزیرِ اعظم نے ایکس پر اپنے پیغام میں کہا کہ جس طرح مختلف ذرائع سے حاصل ہونے والے پانی کا ذائقہ الگ الگ ہوتا ہے، اسی طرح ہر فرد کی صلاحیت، بصیرت اور خدمات بھی منفرد ہوتی ہیں۔ انہوں نے کہا کہ متنوع خیالات اور صلاحیتوں کا امتزاج ہی اختراع، صنعت کاری اور ترقی کی راہ ہموار کرتا ہے۔ اس موقع پر وزیرِ اعظم نے سنسکرت کا ایک سُبھاشِت بھی شیئر کیا۔ اس سُبھاشِت کا مفہوم یہ ہے کہ ہر انسان کی سوچ اور تخلیقی بصیرت ایک دوسرے سے مختلف ہوتی ہے اور یہی اختلاف و تنوع اختراع کی سب سے بڑی طاقت ہے۔ معاشرے میں موجود مختلف صلاحیتیں اور خیالات مل کر ترقی اور پیش رفت کو نئی سمت عطا کرتے ہیں۔

وزیرِ اعظم نے کہا کہ بھارت کی اختراعی ثقافت بھی اسی جذبے پر قائم ہے، جہاں مختلف پس منظر اور تجربات رکھنے والے افراد اپنے خیالات اور صلاحیتوں کے ذریعے قوم کی تعمیر میں اہم کردار ادا کر رہے ہیں۔

ہندوستھان سماچار

---------------

ہندوستان سماچار / عبدالواحد