مسقط، 15 جون (ہ س) ۔

عمان میں ہندوستانی سفیر پرشانت پسے نے پیر کے روز مسقط میں ایم ٹی جلویر کے عملے کے 20 ہندوستانی ارکان سے ملاقات کی اور ہندوستان میں ان کی بحفاظت واپسی کے انتظامات کا جائزہ لیا۔ یہ ملاقات گیارہ جون کو ہوئے واقعہ کے بعد کی گئی جس میں جہاز متاثر ہوا تھا اور تین ہندوستانی ملاحوں کی موت ہو گئی تھی۔

عمان میں ہندوستانی سفارت خانے نے اپنے سوشل میڈیا پلیٹ فارم ایکس پر کہا کہ سفیر نے عملے کے ارکان سے بات کی اور ان کی بحفاظت وطن واپسی کی خواہش کا اظہار کیا۔ انہوں نے کہا کہ ہندوستانی مشن مصیبت میں مبتلا ہندوستانی شہریوں کو فوری مدد اور امداد فراہم کرنے اور ان کی محفوظ واپسی کو یقینی بنانے کے لیے پرعزم ہے۔

قابل ذکر ہے کہ گنی۔ بساو¿ کے جھنڈے والے ٹینکر ایم ٹی جلویر کے عملے کے تمام 20 ارکان کو عمانی حکام کے تعاون سے بحفاظت ساحل پر لایا گیا تھا۔ واقعہ کے بعد ہندوستانی سفارت خانہ مقامی انتظامیہ اور متعلقہ ایجنسیوں سے مسلسل رابطے میں رہا۔

اطلاعات کے مطابق گزشتہ چار دنوں میں یہ تیسرا سنگین واقعہ تھا جس میں تجارتی بحری جہاز ہندوستانی ملاحوں کو عمان کے ساحل سے لے کر جا رہے تھے۔ 8 جون کو، پلاو¿ کے جھنڈے والے آئل ٹینکر، ایم ٹی ماریویکس کو نشانہ بنایا گیا۔ جہاز میں سوار 24 ہندوستانی ملاحوں کو بچا لیا گیا۔ اس کے بعد ایم ٹی سیٹبیلو پر حملہ کیا گیا جس کے نتیجے میں 24 ہندوستانی ملاحوں میں سے تین ہلاک ہو گئے۔

11 جون کو، ایم ٹی جلویر سے متعلق واقعہ پیش آیا، جس کے بعد عمان میں ہندوستانی سفارت خانے نے عمانی حکام کے ساتھ رابطہ کیا اور عملے کے ارکان کو بحفاظت ساحل تک پہنچایا۔ ایم ٹی جلویر عملے کے 24 ارکان کو لے کر جا رہا تھا، جن میں 20 ہندوستانی شہری بھی شامل تھے، جب اس کا شناس پورٹ، عمان کے قریب ایک واقعہ پیش آیا۔ جہاز میں سوار تمام افراد کو محفوظ بتایا گیا اور بعد میں مقامی حکام کی مدد سے انہیں ساحل پر لایا گیا۔

سفارت خانے نے کہا کہ وہ مصیبت میں گھرے ہندوستانی شہریوں کو فوری مدد فراہم کرنے اور ان کی صحت اور محفوظ گھر واپسی کو یقینی بنانے کے لیے پرعزم ہے۔

ہندوستھان سماچار

ہندوستان سماچار / عطاءاللہ