سرینگر، 15 جون( ہ س)۔ ایس ایس پی اننت ناگ امود اشوک ناگپورے نے آج کانسٹیبل فیاض احمد کو ان کے فرائض کی انجام دہی میں مثالی لگن، چوکسی اور پیشہ ورانہ عزم کے اعتراف میں ان کو خراج تحسین پیش کیا، جس کی وجہ سے تین نابالغ بچیوں کو کامیابی سے بازیاب کرایا گیا جو ننوانی علاقے میں اپنے گھروں سے لاپتہ ہوگئی تھیں۔اعزازی تقریب کے دوران، ایس ایس پی نے کانسٹیبل کے فوری جواب، استقامت اور مخلصانہ کوششوں کو سراہا، جو پیشہ ورانہ مہارت اور عوامی خدمت کے اعلیٰ ترین معیار کی عکاسی کرتے ہیں۔ انہوں نے کہا کہ پولیس اہلکاروں کے اس طرح کے قابل ستائش کام سے عوام کا اعتماد مضبوط ہوتا ہے اور شہریوں کی حفاظت اور بہبود کے تئیں اننت ناگ پولیس کے عزم کو اجاگر کیا جاتا ہے۔ ایس ایس پی اننت ناگ نے تمام پولیس اہلکاروں کو اپنی کارکردگی جاری رکھنے کی ترغیب دی۔ انہوں نے اس بات کا اعادہ کیا کہ عوامی فلاح و بہبود کے لیے خدمات کا اعتراف اور انعام جاری رکھا جائے گا۔

ہندوستھان سماچار

ہندوستان سماچار / Aftab Ahmad Mir