نئی دہلی، 15 جون (ہ س)۔ بھارتی محکمہ موسمیات (آئی ایم ڈی) کی پیش گوئی کے مطابق دہلی-این سی آر میں پیر کے روز تیز ہواؤں کے ساتھ ہلکی بارش ہوئی، جس سے موسم خوشگوار ہو گیا ہے۔ اسی دوران جنوب مغربی مانسون بہار، جھارکھنڈ سے لے کر مغربی بنگال تک آگے بڑھ چکا ہے۔

آئی ایم ڈی کے مطابق دارالحکومت میں منگل کو دوپہر اور شام کے اوقات میں تیز ہواؤں اور گرج چمک کے ساتھ ہلکی بارش کے امکانات ہیں۔ اس دن زیادہ سے زیادہ اور کم سے کم درجہ حرارت بالترتیب 38 سے 40 ڈگری سینٹی گریڈ اور 26 سے 28 ڈگری سینٹی گریڈ کے درمیان رہنے کا امکان ہے۔

17 جون کو جزوی طور پر ابر آلود موسم رہے گا۔ اس دن زیادہ سے زیادہ اور کم سے کم درجہ حرارت بالترتیب 39 سے 41 ڈگری سینٹی گریڈ اور 27 سے 29 ڈگری سینٹی گریڈ کے درمیان رہنے کی توقع ہے۔ ہواؤں کی رفتار عمومی رہے گی۔ 18 جون کو بھی جزوی طور پر بادل چھائے رہیں گے اور اس دن درجہ حرارت 40 سے 42 ڈگری سینٹی گریڈ اور 28 سے 30 ڈگری سینٹی گریڈ کے درمیان رہ سکتا ہے۔

محکمہ موسمیات کے مطابق جنوب مغربی مون سون آج آندھرا پردیش، مغربی بنگال، تلنگانہ، اڈیشہ، جھارکھنڈ اور بہار کے باقی حصوں میں مزید آگے بڑھ گیا ہے۔ اگلے 6 سے 7 دنوں کے دوران سب ہمالیائی مغربی بنگال، سکم، اروناچل پردیش، آسام اور میگھالیہ میں کچھ مقامات پر شدید بارش کا امکان ہے۔

اگلے 2 سے 3 دن کے دوران تلنگانہ اور ودربھ کے کچھ علاقوں میں شدید گرمی کا بھی امکان ہے۔ اسی طرح اگلے 4 سے 5 دنوں کے دوران وسطی بحیرہ عرب، مہاراشٹر، کرناٹک، تلنگانہ، اڈیشہ، جھارکھنڈ اور بہار کے باقی حصوں اور چھتیس گڑھ کے کچھ حصوں میں مون سون کے مزید آگے بڑھنے کے لیے حالات سازگار ہیں۔

شمال مغربی بھارت، وسطی بھارت، مشرقی بھارت، شمال مشرقی بھارت، مغربی بھارت اور جنوبی جزیرہ نما بھارت کے کچھ علاقوں میں ہلکی سے درمیانی بارش جبکہ بعض مقامات پر شدید بارش کا امکان ہے۔ انہی علاقوں میں تیز ہوائیں اور کہیں کہیں ہیٹ ویو بھی متوقع ہے۔

کونکن اور گوا، وسطی مہاراشٹر، مراٹھواڑہ اور اڈیشہ میں اگلے دو دنوں کے دوران گرم اور مرطوب موسم رہنے کی توقع ہے، جبکہ کونکن اور گوا کے کچھ حصوں میں اگلے تین دنوں تک گرم راتیں بھی رہ سکتی ہیں۔

ہندوستھان سماچار

---------------

ہندوستان سماچار / عبدالواحد