سرمایہ کار 25 جون تک لگا سکیں گے بولی، 1.19 کروڑ نئے ایکویٹی شیئرز جاری کیے جائیں گےممبئی ، 15 جون (ہ س)۔ جے پور میں قائم ادویت جیولس لمیٹڈ کا ابتدائی عوامی اجراء (آئی پی او) 23 جون کو سرمایہ کاروں کے لیے کھلے گا۔ اس اجراء میں سرمایہ کاری کے خواہش مند افراد 25 جون تک بولی لگا سکیں گے۔ کمپنی نے فی شیئر قیمت 130 سے 138 روپے مقرر کی ہے۔کمپنی کی جانب سے جاری بیان کے مطابق آئی پی او 23 جون کو کھلے گا اور 25 جون کو بند ہوگا، جبکہ اینکر سرمایہ کار 22 جون کو بولی لگا سکیں گے۔ اجراء بند ہونے کے بعد شیئرز کی الاٹمنٹ 29 جون کو حتمی شکل دی جا سکتی ہے۔ کمپنی کے شیئر یکم جولائی کو بی ایس ای اور این ایس ای میں درج ہونے کی توقع ہے۔ ادویت جیولس لمیٹڈ کے اس اجراء میں 10 روپے مالیت کے حصص شامل ہیں۔ سرمایہ کار کم از کم 100 ایکویٹی شیئرز کے لیے درخواست دے سکیں گے، جبکہ اس کے بعد بولی 100 کے مضاعف میں لگائی جا سکے گی۔ یہ آئی پی او مکمل طور پر 1.19 کروڑ نئے ایکویٹی شیئرز پر مشتمل ہے اور اس میں فروخت برائے پیشکش (آفر فار سیل) کا کوئی حصہ شامل نہیں ہے۔کمپنی کے مطابق اس اجراء سے حاصل ہونے والی رقم میں سے 65 کروڑ روپے بڑھتی ہوئی ورکنگ کیپیٹل ضروریات پوری کرنے کے لیے استعمال کیے جائیں گے، جبکہ 65 کروڑ روپے قرض کی ادائیگی پر خرچ کیے جائیں گے۔ باقی رقم عمومی کارپوریٹ مقاصد کے لیے مختص کی جائے گی۔قابل ذکر ہے کہ ادویت جیولس لمیٹڈ ملک کے معروف جواہرات اور زیورات کے مرکز جے پور (راجستھان) میں واقع ہے۔ کمپنی کا برانڈ نام ’’رمبھجو‘‘ ہے۔ یہ ادارہ روایتی اور جدید طرز کے ہاتھ سے تیار کردہ اعلیٰ معیار کے زیورات تیار اور فروخت کرتا ہے، جن میں کندن، پولکی، ہیروں سے مزین زیورات اور دیگر قیمتی جواہراتی مصنوعات نمایاں طور پر شامل ہیں۔ہندوستھان سماچار

ہندوستان سماچار / جاوید این اے