بہرائچ، 12 جون (ہ س)۔

ہردی تھانہ علاقے کے بہرائچ-سیتا پور روڈ پر جمعہ کی دوپہر کو ہوئے سڑک حادثے میں دو افراد کی موت ہو گئی۔ تیز رفتار اسکارپیو کار نے موٹر سائیکل کو ٹکر مار دی، جس سے سیتا پور کے رہنے والے موٹر سائیکل سواروں کی موقع پر ہی موت ہو گئی۔ پولیس نے لاشوں کو قبضے میں لے کر پوسٹ مارٹم کے لیے بھیج دیا ہے۔

جمعہ کو اپنے ذاتی کام کے لیے موٹر سائیکل سے ضلع سیتا پور کے تھانہ تھان گاوں علاقے کے تحت کھرپتو پوروا کے رہنے والے نارائن اور منگرو بہرائچ آ رہے تھے۔ دوپہر تقریباً 12 بجے موٹر سائیکل سوار جب ہردی تھانہ علاقے کے رموا پور خورد کے قریب پہنچے، تو تیز رفتار بے قابو اسکارپیو کار نے انہیں ٹکر مار دی۔ اس سے موٹر سائیکل سوار دو افراد کی موقع پر ہی موت ہو گئی۔

اطلاع ملنے پر تھانہ انچارج ہردی آلوک سنگھ پولیس پارٹی کے ساتھ موقع پر پہنچے۔ انہوں نے پولیس اہلکاروں کی مدد سے شدید زخمی افراد کو ہیلتھ سینٹر رموا پور بھجوایا جہاں ڈاکٹروں نے دونوں کو مردہ قرار دے دیا۔ تھانہ انچارج آلوک سنگھ نے بتایا کہ متوفیان کے لواحقین کو اطلاع دے دی گئی ہے۔ پولیس نے لاشوں کا پنچنامہ بھر کر پوسٹ مارٹم کے لیے بھیج دیا ہے۔ قانونی کارروائی کی جا رہی ہے۔

ہندوستھان سماچار

---------------

ہندوستان سماچار / انظر حسن