دیوریا، 11 جون (ہ س)۔ اترپردیش میں دیوریا ضلع کے گوری بازار تھانہ علاقے کے تحت جوگیا گاوں میں جمعرات کو آسمانی بجلی گرنے سے ایک بزرگ خاتون کی موت ہو گئی۔ گوری بازار پولیس اسٹیشن کے سربراہ ڈاکٹر مہیندر نے بتایا کہ متوفی کی شناخت اناری دیوی (65) کے طور پر ہوئی ہے جو آنجہانی سوریہ پال کی بیوی ہے۔ انہوں نے وضاحت کی کہ تیز گرج کے ساتھ بارش کے طوفان کے دوران اچانک بجلی گری۔ اناری دیوی شدید جھلس گئیں۔ اہل خانہ اور قریبی رہائشی جائے وقوعہ پر پہنچے اور اسے بچانے کی کوشش کی تاہم وہ موقع پر ہی دم توڑ گئیں۔ انہوں نے بتایا کہ واقعہ کی اطلاع ملتے ہی گوری بازار پولیس فوراً پہنچ گئی۔ پولیس نے لاش کو تحویل میں لے کر ضروری قانونی کارروائی مکمل کر کے پوسٹ مارٹم کے لیے بھجوا دی۔ لواحقین نے انتظامیہ سے ڈیزاسٹر ریلیف کے تحت امداد کی درخواست کی ہے۔

---------------

ہندوستان سماچار / عبدالسلام صدیقی