بیجاپور، 11 جون (ہ س)۔ ضلع کے بھوپال پٹنم علاقے میں اس وقت پٹرول اور ڈیزل کی شدید قلت ہے جس سے عام لوگوں کے روزمرہ کے معمولات براہ راست متاثر ہو رہے ہیں۔ حالات اس حد تک بگڑ چکے ہیں کہ لوگ کھلے عام مہنگے داموں ایندھن خریدنے پر مجبور ہیں۔

اطلاعات کے مطابق ،بعض علاقوں میں مبینہ طور پر کالا بازاری کرنے والے غیر قانونی طور پر پٹرول 200 روپے فی لیٹر تک فروخت کر رہے ہیں۔ مقامی لوگوں کا کہنا ہے کہ یہ صورتحال پٹرول پمپس پر باقاعدہ سپلائی نہ ہونے کی وجہ سے ہے۔

دوسری جانب، انتظامیہ نے ابھی تک کوئی کارروائی یا معاملے کی تحقیقات نہیں کی جس سے عوام میں غم و غصہ بڑھ رہا ہے۔ ڈرائیوروں نے انتظامیہ سے مطالبہ کیا ہے کہ اس مسئلے کو جلد از جلد حل کیا جائے، ایندھن کی فراہمی کو یقینی بنایا جائے اور غیر قانونی طور پر مہنگے داموں پیٹرول فروخت کرنے والوں کے خلاف کارروائی کی جائے۔

ہندوستھان سماچار

ہندوستان سماچار / محمد شہزاد