جموں، 11 جون (ہ س)۔ جموں و کشمیر کے نجی اسپتالوں نے اعلان کیا ہے کہ وہ یکم جولائی سے آیوشمان بھارت اسکیم کے تحت مریضوں کا علاج بند کر دیں گے۔ پرائیویٹ اسپتال آپریٹرز کا کہنا ہے کہ آیوشمان بھارت اسکیم کے تحت ان کی زیر التواءادائیگیوں کا تصفیہ نہیں ہوا ہے جس کی وجہ سے انہیں مالی مشکلات کا سامنا ہے۔ اسپتال انتظامیہ کا الزام ہے کہ طویل عرصے سے زیر التواءادائیگی نے اسکیم کے تحت خدمات کو جاری رکھنا ناممکن بنا دیا ہے۔ حکومت اور متعلقہ حکام سے ادائیگیوں کو جلد جاری کرنے کا مطالبہ کرتے ہوئے، نجی اسپتالوں نے خبردار کیا ہے کہ اگر بقایا جات کا تصفیہ نہیں کیا گیا تو آیوشمان کارڈ ہولڈر یکم جولائی سے اسپتالوں میں کیش لیس علاج کا فائدہ نہیں اٹھا سکیں گے۔ اس فیصلے سے ریاست میں ہزاروں مریضوں اور ان کے اہل خانہ کے متاثر ہونے کا خدشہ ہے۔

---------------

ہندوستان سماچار / عبدالسلام صدیقی