اسلام آباد، 10 جون (ہ س)۔ پاکستانی فوج کے ایم آئی 17 ہیلی کاپٹرکے بدھ کے روزمقبوضہکشمیر (پی او کے) کے مظفر آباد علاقے میں حادثے کا شکار ہو جانے سے اس میں سوار تمام فوجی ہلاک ہو گئے۔پاکستانی فوج کی میڈیا ونگ انٹر سروسز پبلک ریلیشنز (آئی ایس پی آر) نے حادثے کی تصدیق کرتے ہوئے کہا کہ امدادی ٹیمیں فوری طور پر جائے وقوعہ پر روانہ کردی گئیں۔ حادثے کی وجوہات کی تفصیلی تحقیقات کا حکم دے دیا گیا ہے۔

مقامی میڈیا رپورٹس کے مطابق، ہیلی کاپٹر معمول کی فوجی سرگرمیوں کےتحت پرواز کر رہا تھا کہ اس میں تکنیکی خرابی پیدا ہو گئی۔ حادثے کے بعد علاقے کو گھیرے میں لے لیا گیا ہے اور تحقیقات کا آغاز کر دیا گیا ہے۔ ہیلی کاپٹر میں کل 21 افراد سوار تھے۔

پاکستان کے چیف آف ڈیفنس فورسز اور آرمی چیف فیلڈ مارشل عاصم منیر سمیت مسلح افواج کے تمام افسران اور جوانوں نے حادثے میں جانیں گنوانے والے افراد کے اہل خانہ سے دلی تعزیت کا اظہار کیا ہے۔ آئی ایس پی آر کے مطابق فوج نے جاں بحق افراد کے اہل خانہ سے تعزیت کا اظہار کرتے ہوئے کہا کہ وہ دکھ کی اس گھڑی میں ان کے ساتھ کھڑی ہے۔

گزشتہ چند برسوں میں پاکستانی فوج کے ہیلی کاپٹروں کے کئی حادثات ہو چکے ہیں۔ ستمبر 2025 میں گلگت بلتستان کے ضلع دیامر میں ایک ایم آئی 17 ہیلی کاپٹر تکنیکی خرابی کے باعث گر کر تباہ ہو گیا تھا جس میں عملے کے پانچ افراد ہلاک ہو گئے تھے۔

اس کے علاوہ ، اگست 2025 میں، خیبر پختونخوا حکومت کا ایک ہیلی کاپٹر سیلاب سے متاثرہ علاقے میں امدادی سامان پہنچاتے ہوئے حادثے کا شکار ہو گیا۔ اس حادثے میں جہاز میں سوار پانچوں اہلکار ہلاک ہو گئے۔ 2022 میں، پاکستان آرمی کا ایک اور ہیلی کاپٹر بلوچستان کے ضلع لسبیلہ میں گر کر تباہ ہوگیاتھا، جس میں چھ فوجی افسران اور جوان ہلاک ہوگئے تھے۔

ہندوستھان سماچار

ہندوستان سماچار / محمد شہزاد