نئی دہلی، 7 مئی (ہ س)۔

پرائم منسٹرز ایمپلائمنٹ جنریشن پروگرام (پی ایم ای جی ای پی)15ویں مالیاتی کمیشن کے دوران مال سال 2021-22سے 2025-26 کے دوران چار لاکھ سے زیادہ مائیکرو انٹرپرائزز کے قیام میں مدد کی ہے ساتھ ہی تقریباً36.33لاکھ لوگوں کے لئے روزگار کے مواقع پیدا کئے ہیں جسے کھادی اور دیہی صنعت کمیشن(کے وی آئی سی ) کے ذریعہ سے نافذ کیا گیا ہے۔

مائیکرو، اسمال اور میڈیم انٹرپرائزز کی وزارت نے جمعرات کو ایک بیان میں یہ معلومات جاری کی۔ سرکاری بیان کے مطابق، اس اسکیم نے ممکنہ کاروباریوں کو غیر فارمی سیکٹر میں نئے مائیکرو انٹرپرائزز قائم کرنے میں مدد فراہم کی، بینک قرضوں پر مارجن منی سبسڈی کے ذریعے، بنیادی توجہ خود روزگار پیدا کرنے اور دیہی معاش پر مرکوز ہے۔

وزارت نے کہا کہ 15ویں مالیاتی کمیشن کی مدت (مالی سال 2021-22 سے مالی سال 2025-26) کے دوران پی ایم ایم وائی کی کارکردگی کافی مضبوط رہی ہے، جس سے ملک کے مائیکرو انٹرپرائز ماحولیاتی نظام کو مضبوط بنانے میں اس کے تعاون کی تصدیق ہوتی ہے۔ اس اسکیم نے 13,554.42 کروڑ کے منظور شدہ بجٹ کا مکمل استعمال کیا اور 403,706 مائیکرو انٹرپرائزز کے قیام میں سہولت فراہم کی، جو کہ 402,000 کے ہدف سے کہیں زیادہ ہے۔ یہ کامیابی موثر نفاذ اور انٹرپرینیورشپ پر مبنی اقدامات کی مسلسل مانگ کی عکاسی کرتی ہے۔

مائیکرو، اسمال اور میڈیم انٹرپرائزز کی وزارت نے کہا کہ اس پروگرام نے تقریباً 36.33 لاکھ لوگوں کے لیے روزگار کے پائیدار مواقع بھی پیدا کیے ہیں، جس سے ملک بھر میں روزی روٹی پیدا کرنے اور نچلی سطح پر اقتصادی ترقی میں اہم کردار ادا کیا گیا ہے۔

اس اسکیم کا بنیادی مقصد پہلی نسل کے کاروباریوں کے لیے خود روزگار کے مواقع پیدا کرنا اور مینوفیکچرنگ اور سروس کے شعبوں میں خاص طور پر دیہی علاقوں میں پائیدار معاش کو فروغ دینا ہے۔

ہندوستھان سماچار

ہندوستان سماچار / عطاءاللہ