نئی دہلی، 7 مئی (ہ س)۔ قومی انسانی حقوق کمیشن (این ایچ آر سی) نے جھارکھنڈ کے دیوگھر ضلع کے ایک ریمانڈ ہوم میں ایک نوجوان خاتون قیدی کی مشتبہ حالات میں موت کا از خود نوٹس لیا ہے۔ کمیشن نے ریاست کے چیف سکریٹری اور دیوگھر سپرنٹنڈنٹ آف پولیس (ایس پی) کو نوٹس جاری کرتے ہوئے دو ہفتوں کے اندر تفصیلی رپورٹ طلب کی ہے۔
این ایچ آر سی نے کہا کہ میڈیا رپورٹس کے مطابق 2 مئی کو دیوگھر ضلع کے چرخی پہاڑی علاقے میں ایک ریمانڈ ہوم میں ایک 19 سالہ قیدی کی حالت اچانک خراب ہو گئی۔ ریمانڈ ہوم کے عملے نے اسے دیوگھر صدر اسپتال پہنچایا، جہاں علاج کے دوران اس کی موت ہوگئی۔ اس کی موت کی وجہ ابھی تک معلوم نہیں ہو سکی ہے۔
اطلاعات کے مطابق یکم جنوری 2026 سے اب تک اس ریمانڈ ہوم میں پانچ قیدیوں کی موت ہو چکی ہے جس سے اس کی سکیورٹی اور انتظامات پر سوالات اٹھ رہے ہیں۔
---------------
ہندوستان سماچار / عبدالسلام صدیقی
